Aımaqtar • 06 Qazan, 2022

Jambyl oblysynda qant qyzylshasynyń alqaby eki ese artady

58 ret kórsetildi

Bıyl Jambyl oblysynda qant qyzylshasy 5,5 myń gektarǵa egilse, 2023 jyly bul kórsetkish eki ese artady dep kútilýde. Oǵan memleket tarapynan qoldaý retinde tólenetin sýbsıdııa kóleminiń 15 teńgeden 25 teńgege (1 kelisine) ósýi aıryqsha serpin berip otyr. Bul týraly oblys ákimdiginiń aýyl sharýashylyq basqarmasynyń basshysy Erbol Jıenqulov atap ótti, dep habarlaıdy Egemen.kz ákimdiktiń baspasóz qyzmetine silteme jasap.

- Bıyl jalpy 5,5 myń gektar tátti túbir alqabynan 214,4 myń tonna ónim jınalady dep josparlanýda. Qazirgi ýaqytqa deıin 160 gektar alqaptan 12 946 myń tonna ónim jınalsa, onyń 11 076 tonnasy qant zaýyttaryna ótkizildi. Oblys boıynsha ár gektardan alynǵan ortasha ónim 630 sentnerdi quraýda. Jınaý jumystaryna 30-dan asa tehnıka jumyldyrylǵan.

Jalpy 2022 jyly qant qyzylshasy óniminiń satyp alý baǵasy tonnasyna 30,0 myń teńgeni quraıdy. Iаǵnı, qant zaýyty ótkizilgen ónimniń tonnasyna - 15,0 myń teńge tólese, memleket tarapynan - 15,0 myń teńge sýbsıdııa tólenedi. Al, 2023 jyly baǵa 40,0 myń teńgege kóteriledi. Atap aıtqanda, qant zaýyty qyzylshanyń ár tonnasyna 15,0 myń teńge tólese, memlekettik qoldaý 25 myń teńgege jetedi. Nátıjesinde tátti túbir alqaby kelesi jyly 10,0 myń gektarǵa jetkiziledi, - deıdi E. Jıenqulov.

Sondaı-aq basqarma basshysynyń aıtýynsha, qant zaýyttary jumysty durys uıymdastyryp otyrǵan barlyq sharýalardyń 65-70 paıyzyn tuqymmen qamtamasyz etedi.

Qazirgi tańda ár gektardan alynatyn ortasha ónimdilik boıynsha Merki aýdanynyń kórsetkishi ózgelerden ozyq bolyp otyr (800 s/ga), Jambyl aýdanynda – 455 s/ga, Baızaqta – 410 s/ga, Shý aýdanynda – 350 s/ga quraýda.

Merki aýdanyndaǵy «Sypataı batyr» JShS dırektory Qanat Shaıhıevtyń aıtýynsha, bıyl baltamyrdyń shyǵymy jaqsy. Osy jyly qojalyq 130 gektar alqapqa tátti túbirdi ornalastyrǵan. Qazirgi tańda alqaptyń 50-60 gektary jınalǵan. Al qant zaýytyna 3,5 myń tonna ónim ótkerilgen.

- Buǵan deıin 70-80 gektar alqappen shektelip kelsek, bıyl qant qyzylshasy alqabyn 130 gektarǵa deıin jetkizdik. Bul alqaptardy uńǵymalar arqyly jańbyrlatyp sýarý qondyrǵysymen ylǵaldandyrdyq. О́nimdiligi joǵary. Aldaǵy jyly alqap kólemin 250 gektarǵa jetkizý josparymyzda bar, - deıdi seriktestik dırektory.

Seriktestik tuqymdy Fransııa memleketinen tapsyryspen aldyrǵan. Munda baltamyrdyń «Eıdar» surpy ornalastyrylǵan.

Sondaı-aq qant qyzylshasyn qabyldaý jumystaryn qyzý atqaryp jatqan «Merki qant zaýyty» JShS dırektory Nurjan Qarǵabaev búginge deıin 14 myń tonnadan astam baltamyr jınalǵanyn jetkizdi. Kúnine 2,5  myń tonna ónim qabyldanyp, shıkizat qory jınaqtalýda. Zaýyttyń qýattylyǵy táýligine 2,5 myń tonnany quraıdy.

- Qant tapshylyǵyn boldyrmaý maqsatynda zaýyt úzdiksiz jumys isteýde. Jınalǵan tátti túbirdi óńdeýdi osy aıdyń 12-si kúni bastaımyz. Qazirgi tańda zaýytta 340 adam jumys isteýde. О́ńdeý jumystary kúsheıtilgende olardyń sanyn 550-ge deıin jetkizemiz, - deıdi ol.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar