Saıasat • 07 Qazan, 2022

Qazaqstan Respýblıkasy Ortalyq saılaý komıssııasynyń úndeýi

64 ret kórsetildi

QURMETTI SAILAÝShYLAR! 

2022 jylǵy 20 qarasha

Qazaqstan Respýblıkasy Prezıdentiniń

kezekten tys saılaýy

Saılaýǵa qatysýǵa konstıtýsııalyq quqyqty iske asyrýdyń kepili – Sizdiń saılaýshylar tizimine engizilýińiz.

Tizimderdi daýys berýge arnalǵan naqty ýchaskesiniń aýmaǵynda turǵylyqty jeri boıynsha turaqty tirkeý negizinde jergilikti atqarýshy organdar (ákimdikter) jasaıdy. Turaqty tirkeýi joq azamattar tizimderge olardyń ornalasqan jeri boıynsha ákimdikterge bergen ótinishiniń negizinde engiziledi.

Daýys berý kúni tirkelgen jeri boıynsha saılaý ýchaskesine kele almaıtyn árbir azamat daýys berý kúnine bir aı qalǵanda, ıaǵnı 2022 jylǵy 20 qazanynan keshiktirmeı tıisti ákimdikke ótinish berip, olardyń naqty ornalasqan jeri boıynsha saılaý ýchaskesinde tirkelýge quqyly.

О́tinish túsken kezde ákimdik azamatty tirkelgen jeri boıynsha saılaýshylar tiziminen shyǵarýdy jáne ony daýys beretin ýchaskeniń tizimine engizýdi uıymdastyrady.

Osy quqyqty:

- daýys berý kúni tirkelgen jeri boıynsha bolmaıtynyn biletin azamattar;

- basqa qaladan kelgen, arnaýly orta jáne joǵary oqý oryndarynda oqıtyn, jataqhanalardan tys turatyn stýdentter;

- vahtalyq ádispen jumys isteıtin azamattar paıdalana alady.

Azamat saılaýshylardyń bir ǵana tizimine engiziledi.

Saılaýshylar tizimine tirkelgen jerińiz boıynsha engizilgenińizdi tıisti ákimdiktiń saıty nemese Call-ortalyǵy arqyly tekserýge bolady.

2022 jyldyń 4 qarashasynan bastap Sizge óz ýchaskeńizdegi saılaýshylar tizimindegi derekterińizdi tekserý múmkindigi beriledi.

Qurmetti saılaýshylar!

Sizderdi quqyqtyq saýattylyq tanytyp, ózińizdiń saılaýǵa qatysýǵa konstıtýsııalyq quqyǵyńyzdy iske asyrýǵa shaqyramyz!

О́zińizdi saılaýshylar tizimine engizý úshin qajetti zańdyq mańyzy bar áreketterdi ýaqtyly qabyldańyz!

ÁRKIMNIŃ DAÝYSY MAŃYZDY!

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar