10 qazan saǵat 21.00-den bastap stasıonarlyq baqylaý beketteriniń bazasynda elorda aýmaǵyna kirýdi baqylaý kúsheıtiledi. Beketterde qyzmet atqarýdy táýlik boıy quramynda polısııa qyzmetkerleri men Qorǵanys mınıstrliginiń áskerı qyzmetshileri bar mobıldi toptar júzege asyrady.
«Kóshi-qon zańnamasyn buzýshylyqtardyń aldyn alý jáne jolyn kesý maqsatynda 1 qazannan bastap «Ýchaske» Respýblıkalyq jedel-aldyn alý is-sharasy ótkizilýde. Jol qaýipsizdigin qamtamasyz etýge jáne jol qozǵalysy erejelerin saqtaýǵa erekshe nazar aýdarylatyn bolady. О́tkiziletin is-sharalarǵa baılanysty qalanyń jańa ákimshilik ortalyǵynda joldardyń keıbir ýchaskelerinde qozǵalysty ýaqytsha ishinara shekteı otyryp, qonaqtardyń erkin júrýine múmkindik beriledi», dep jazylǵan taratqan habarlamada.
Astana qalasynyń Polısııa departamenti elorda turǵyndary men qonaqtarynan ótkiziletin is-sharalarǵa túsinistikpen qaraýdy surady jáne yńǵaıly bolý úshin qoǵamdyq kólikti paıdalanýdy usyndy. Sondaı-aq jol júrý baǵyttaryn aldyn ala josparlap otyrýdy eskertti.
