«Balalar arasynda koronavırýs juqtyrý jaǵdaılary áli de bar. Desek te, sońǵy aılarda kórsetkish tómendeı bastady. Segiz aıdyń ishinde segiz myńǵa jýyq bala koronavırýstyq ınfeksııamen aýyrdy, búginde syrqattanýshylyqtyń tómendeýi baıqalady», dedi Ajar Ǵınııat jýrnalısterdiń suraqtaryna jaýap bere otyryp.
Mınıstrdiń aıtýynsha, qazirgi ýaqytta koronavırýs juqtyrǵan 100-den astam naýqas stasıonarlarda emdelip jatyr.
«Negizinen eresekter aýyrady, balalar arasynda maýsymdyq vırýstyq ınfeksııa tarap jatyr. Men bul koronavırýstyq ınfeksııa nemese basqa bir jańa ınfeksııa dep aıta almaımyn. Qazir Qazaqstanda tumaý men paragrıppke daıyndalý, vaksınasııa naýqany men aýrýdyń aldyn alý sharalary júrgizilýde. Kópjyldyq baqylaýlardy esepke alsaq, maýsymdyq syrqattanýshylyq qarasha aıynda kóteriledi», dep túıindedi Ajar Ǵınııat.
