«Dástúrli túrde Táýelsiz Memleketter Dostastyǵy Sammıti qarsańynda 12 qazanda Astanada Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdiniń tóraǵalyǵymen Keńestiń kezekti otyrysy ótedi. Is-sharaǵa qatysýshylar óńirlik jáne halyqaralyq kún tártibindegi máselelerdi, syrtqy ister mınıstrlikteri arasyndaǵy yntymaqtastyqty tereńdetý máselelerin talqylaıdy», dedi Aıbek Smadııarov vedomstvonyń brıfınginde.
TMD Syrtqy ister mınıstrleri aldaǵy TMD Sammıtinde, sondaı-aq 28 qazanda Astanada ótetin TMD Úkimet basshylary keńesiniń otyrysynda qol qoıýǵa usynylatyn qujattardyń jobalaryn qaraıdy dep josparlanýda.
Budan buryn Qazaqstan Respýblıkasynyń Táýelsiz Memleketter Dostastyǵyndaǵy qazirgi tóraǵalyǵy aıasynda 14 qazanda Astanada Memleket basshysy Qasym-Jomart Toqaevtiń jetekshiligimen TMD Memleketter basshylary keńesiniń otyrysy ótetinin habarlaǵan edik.
