Bárinen de bıik baqyt

Birin eskeremiz, birin eskermeımiz, jyl saıyn balalarǵa qatysty qansha­ma quqyq buzýshylyq, qylmys, oqys oqıǵalar bolyp jatady. Shyn mánin­de, sonyń barlyǵy tereń zerdeleýdi, tegeýrindi tártipti qajet etedi. Búgin balaǵa mán bermeý – eliniń erteńine tońteris qaraýmen birdeı. Memleket basshysy óziniń jańajyldyq quttyq­taýynda balalarǵa erekshe kóńil bólý kerek ekenin aıtty. «Olardyń ál-aýqaty – memleketimizdiń tabysty bola­shaǵynyń senimdi kepili. Sondyqtan osy jyldy Balalar jyly dep jarııalaý kerek dep esepteımin» degen Prezıdent bul jerde áńgime urandar men merekelik is-sharalar týraly emes, eń aldymen bılik tarapynan densaýlyq saqtaý, bilim berý, áleýmettik qamsyzdandyrý, balalyq shaqty qorǵaý boıynsha naqty sharalar týraly bolyp otyrǵanyn atap ótti.

Tuńǵysh Prezıdenttiń tarıhı-má­denı ortalyǵy Balalar jyly aıasynda kóptegen qaladaǵy balabaqsha men mekteptegi balalarmen kóktem men jaz aılarynda mádenı is-sharalardy birlese atqardyq. Atap óter bolsaq, «Qazaqstannyń kıeli jerleriniń kartasy» atty kvest-oıyndary balalar­dyń jazǵy demalysy kezinde aılyq­tar men aptalyqtar túrinde úzdiksiz uıymdastyryldy. Kanıkýldaǵy mek­tepishilik lager balalary úshin orta­lyqta qazaqtyń ulttyq oıyndaryn úıretý maqsatynda ekskýrsııalyq-ulttyq oıyndar toptamasy ótti. Máselen, 1 maýsym kúni «Barlyǵy balalar úshin!» respýblıkalyq aksııasy aıasynda Temirtaý qalasynyń bilim bólimi, «Shańyraq» eriktiler ortalyǵy men Tuńǵysh Prezıdenttiń tarıhı-mádenı ortalyǵy «ArselorMıttal Temirtaý» AQ qoldaýymen «Kóńildi jaz-2022» atty merekelik is-shara ótkizdi. Merekelik konsertke Temirtaý qalasynyń 10 mektebinen jáne 10 balabaqshasynan 150-ge tarta oqýshy kelip, «Astana» alańynda tanymdyq oıyn stansalarynda sporttyq (ulttyq oıyndar, estafetalar, sporttyq oıyndar), zııatkerlik stansa (ústel oıyndary: shahmat, doıby, toǵyzqumalaq, basqatyrǵyshtar, «Intellektým» jáne t.b.), «Ádebı qonaqjaı» stansasy (má­nerlep oqý saıysy, vıktorınalar), «Shy­ǵarmashylyq sheberhana» stansasy (sazdan, ermeksazdan, orıgamıden ja­salǵan sýretter, qoldan jasalǵan bu­ıymdar konkýrsy), JJE («aqyldy baǵdarshamshy») sekildi tanymdyq oıyndarǵa qatysty. Al Ulttyq dombyra kúnine oraı Temirtaý qalasy «Álem» balalar-jasóspirimder shyǵarmashy­lyq ortalyǵy men «Mıras» vokaldy-aspapty ansambliniń tárbıelenýshileri ortalyqtyń shańyraǵynda uıym­das­tyrylǵan merekelik is-sharaǵa úles qosty. Tuńǵysh Prezıdenttiń tarıhı-mádenı ortalyǵy balalardy sportpen shuǵyldanýǵa, salamatty ómir saltyna shaqyrý maqsatymen túrli sporttyq jarystar men saıystardy jıi ótkizip otyrady.

«Sport – tárbıe negizi» is-sharasy bala­lardyń jazǵy demalysyn kóńil­di ótkizýine, olardyń sportpen shuǵyl­danýyna jáne salamatty ómir saltyn nasıhattaý maqsatynda uıymdastyryldy. Saıysqa Temirtaý qalasynyń №2 orta mektebiniń oqýshylary qatysty. Taǵylymdy is-sharany ortalyqtyń basshysy Saıda Sargızova ashty. Is-sharanyń qurmetti qonaǵy aýyr atletıkadan sport sheberi, kásibı paýerlıftıngten álem jáne respýblıkanyń birneshe dúrkin chempıony, ardager-metallýrg Aıtjan Isaqov aqsaqal jastarǵa sportpen shuǵyldaný arqyly kóptegen jeńiske jetýge bolatyny jaıly aqyl-keńesin aıtty. Munan ári ­jastar eki komandaǵa bólinip, qol kúresi men doıbydan saıysqa tústi.

Bala laıyqty tárbıe alsyn, bala ulttyq tamyrynan ajyramasyn, za­manǵa beıim bolsyn, bos ýaqytyn paı­daly ótkizsin, qajetti em-domyn esh keder­gisiz alsyn, arman-qııalynyń shyn­dyqqa aınalaryna sensin. 2022 jyl – bala quqyǵyna qatysty memlekettiń batyl qımyldary júzege asatyn berekeli, tıimdi jyl bolady degen senim basym.

Qurmanshádi ORAZYMBETOV,

Tuńǵysh Prezıdenttiń tarıhı-mádenı ortalyǵynyń ǵylymı qyzmetkeri

Qaraǵandy oblysy