Júzý jarysyna qatysqan Aqtaý qalasynyń turǵyny Qural Jolaman 30 qyrkúıekte Ispanııadan Marokkoǵa deıingi 16,7 shaqyrymdy júzip ótti. Quraldyń sýdaǵy sapary Afrıka jaǵalaýlaryna qaraı Eýropanyń ońtústiktegi shetki núktesi Tarıfadan bastaldy.
Ispanııanyń Tarıfasynan Marokkonyń Pýnta-Sıreske núktesine deıingi eń qysqa qashyqtyq – 14,4 shaqyrym, biraq aǵystyń qatty bolýy saldarynan jol uzaryp, júzýshiler 16-22 shaqyrym qashyqtyqty baǵyndyrady.
Gıbraltar buǵazy – Atlant muhıtyn Jerorta teńizimen baılanystyratyn Eýropa men Afrıka qurlyǵy arasyndaǵy buǵaz. Qural Jolaman Gıbraltar buǵazyn sý kıiminsiz 5 saǵat 58 mınýtta júzip ótken.
– Qural buǵan deıin Ystanbulda qurlyqaralyq júzýge qatysqan. Ol Bosfor buǵazyn júzip ótip, 6,5 shaqyrymdy baǵyndyrdy. Kaspıı teńizinde Gıbraltar buǵazy arqyly júzýge daıyndaldy. Gıbraltardan ótý ońaı emes, jel qatty, tolqyn kúshti jáne sýy sýyq. Qural – 740 júzýshiniń ishinen Gıbraltardy sý kıiminsiz kesip ótken birinshi qazaq. Aldaǵy ýaqytta ulymnyń búkil muhıtty baǵyndyrý jospary bar, – deıdi ekstremal sportshynyń ákesi Tolybaı Talasbaev.
Mańǵystaý oblysy
