Sýretti túsirgen Rafhat HALELOV
Ǵarıfolla Qurmanǵalıev atyndaǵy Batys Qazaqstan oblystyq fılarmonııasy uıymdastyrǵan bul baıqaý osymen úshinshi márte ótip otyr. Baıqaýǵa Mańǵystaý, Qaraǵandy Qostanaı oblystarynan, Astana, Shymkent, Atyraý qalalarynan, Batys Qazaqstan oblysy aýdandary men jergilikti Oral qalasynan kelgen 21 ónerpaz qatysyp, baq synady.
Tanymal sazger, Aq Jaıyq óńiriniń gımnine aınalǵan áıgili ánniń avtory Donedil Qajymovtyń shyǵarmashylyǵyn nasıhattaıtyn jas ánshiler baıqaýyna Almaty qalasynan Qazaqstan Respýblıkasynyń eńbek sińirgen qaıratkeri Qaldaıaqov Muqtar Shámshiuly, Qazaqstannyń eńbek sińirgen qaıratkeri, professor, kompozıtor, Qazaqstan kompozıtorlar odaǵynyń tóraǵasy Serikjan Ábdinurov, «Qurmet» ordeniniń ıegeri, Qazaqstannyń eńbek sińirgen qaıratkeri Aıgúl Qosanova, Aqtóbe saz kolledjiniń dırektory, «Eren eńbegi úshin» medaliniń ıegeri, Qazaqstan Respýblıkasynyń mádenıet qaıratkeri Amanjol Ismaǵulovtar arnaıy kelip, qazylyq etti. Alqa quramynda sondaı-aq Dáýletkereı atyndaǵy qazaq halyq aspaptary orkestriniń kórkemdik jetekshisi jáne bas dırıjery, «Qurmet» ordeniniń ıegeri, memlekettik «Daryn» jastar syılyǵynyń laýreaty, Qazaqstan Respýblıkasy mádenıet salasynyń úzdigi Erkin Nurymbetov, mádenıet salasynyń úzdigi, «Eren eńbegi úshin» medaliniń ıegeri, Qazaqstan kompozıtorlar odaǵynyń múshesi Jaskeleń Ǵaısaǵalıevter de boldy. Donedil Qajymovtyń ózi tóraǵalyq etken qazylar alqasy astanalyq Armat Amandyqovty bas júldege laıyq dep tanydy. Baıqaýdyń birinshi oryn júldesi batysqazaqstandyq Taras Jaýynbaevqa buıyrdy.
Aqtóbelik Nurtas Omarov pen mańǵystaýlyq Serijan Masjanov júldeli ekinshi orynǵa ıe bolsa, Mańǵystaý oblysynan kelgen taǵy bir óren Erhat Jaqashev, oraldyq Murat Ahmetov jáne atyraýlyq Baqtoty Kákimova úshinshi oryndy ózara bólisti. Al Túrkistan oblysynan kelgen úmitker О́serbaı Bórihanov pen qaraǵandylyq Dınara Dúısembaeva, qostanaılyq Ájibaı Tasqyn dıplomant atandy. Batys Qazaqstan oblysy Jánibek aýdanynan qatysqan kvartet músheleri Raıymbek Kárimov, Asylan Boranbaev, Ásem Ǵaınýlına jáne Shynar Qaıypova «Kórermen kózaıymy» syılyǵymen marapattaldy. Baıqaýǵa qatysqan ózge qatysýshylarǵa da alǵys hat pen estelik syılyq tabystaldy.
Baıqaýdyń sońy «Donedil dostaryn shaqyrady» atty konsertke ulasty.
Batys Qazaqstan
