«2012-2021 jyldar aralyǵynda Qazaqstandaǵy shaǵyn jáne orta bıznestiń damý serpini oń nátıje kórsetip otyr. Jalpy ishki ónimdegi shaǵyn jáne orta bıznestiń úlesi 17%-ǵa ósip, 33,5%-ǵa jetti. Shaǵyn jáne orta bıznestiń ónim shyǵarýy 5 esege artyp, nomınaldy mánde 42,8 trln teńgege jetti. Jalpy ishki ónim 2,5 eseden astam ósimdi qurap, 2021 jylǵy kórsetkish 82,2 trln teńgeni qurady. Jumys istep turǵan shaǵyn jáne orta kásipkerliktiń jalpy sany 75%-ǵa ósip, 1,4 mln sýbektige jetti. Shaǵyn jáne orta bızneste jumyspen qamtylǵandardyń jalpy sany 45%-ǵa ósip, 3,5 mln adamǵa jetti», dedi Á.Qýantyrov
Mınıstrdiń aıtýynsha, 2012 jyly elimizdiń jalpy nesıe qorjynyndaǵy shaǵyn jáne orta bıznes qaryzdary shamamen 15% nemese 1,5 trln teńgeni qurasa, 2021 jyly shaǵyn jáne orta kásipkerlik kredıtteý aıtarlyqtaı ósti jáne 5,7 trln teńgeden astam somaǵa nemese 27%-ǵa jetti.
«Sońǵy 10 jylda memlekettik qoldaý sharalaryn alýshylardyń ónim shyǵarý kólemi 53 trln teńgeni qurady, bul shaǵyn jáne orta kásipkerlik sýbektilerdiń jalpy ónim shyǵarýynyń 23%-yn quraıdy. Búginde Kásipkerlikti damytý jónindegi ulttyq joba sheńberinde memlekettik qoldaý sharalaryn alýshylar shamamen 118 myń adamdy nemese jumyspen qamtylǵan shaǵyn jáne orta kásipkerlerdiń 3,4%-yn jumys oryndarymen qamtamasyz etedi», dedi Ulttyq ekonomıka mınıstri.
