Jurtshylyqpen júzdesti

О́ńirge sapary barysynda Muhtar Altynbaev jergilikti atqarýshy organ­dar­dyń ókilderi, pedagogter, kásipkerler, sport jat­tyqtyrýshylary, jas­tar jáne oqýshylarmen birqatar kezdesý ótkizdi.

Ol memlekettik tilde bilim beretin mektep muǵa­lim­derimen kezdesti. Oqý orny­nyń dırektory Aıgúl Arynǵazına qarasý­lyqtar úshin qazaq tilinde bilim beretin mekteptiń ashylýy jergilikti turǵyndar úshin ma­ńyzdy ekenin aıtyp, qonaq­ty oqýshylarǵa bilim berý jáne damytý úshin ja­sal­ǵan sharttarmen tanys­tyrdy.

Kezdesý barysynda Muh­tar Qapash­uly qara­sý­lyqtarǵa «Qarýly kúsh­terdiń arda­gerleri» RQB Qasym-Jomart Toqaevtyń kandıdatýrasyn prezıdenttikke usyn­ǵa­nyn habarlady. Ol Mem­leket basshysynyń demokratııa­lyq bastamalaryn, zańdylyq pen ádi­let­tilik qaǵıdattaryn beki­tý­­ge baǵyttalǵan dáıek­ti saıa­­satyn atap ótti. «Ádiletti memleket. Birtutas ult. Bere­keli qoǵam» atty Qazaqstan halqyna Joldaýyn­daǵy kóterilgen bastamalardy, refor­malardy túbegeıli iske asyrý úshin jalpy­halyqtyq qoldaý qajet», dedi genernal.

Halyq Qaharmany Je­ńis saıabaǵy men «Jeńis» orta­lyq stadıonyna bardy. Sporttyq nysanda Muhtar Altynbaev jas fýtbolshylarmen jáne jeńil atlettermen áńgimelesip, ásker, Otan aldyndaǵy borysh jaıly sóz qozǵady. Balalardyń sportqa degen qushtarlyǵyn maquldap, «bul olardyń damýy men jeke qalyptasýyna negiz bolady» dedi.

– Otandy súıińder, ásker­de qyzmet etýge jáne eldi qorǵaýǵa ár kez daıyn bol­yńdar, – dedi jastarǵa Muhtar Qapashuly.

«Qarýly kúshterdiń ardagerleri» RQB basshysy Qazaq­stan Respýblıkasy Táýel­­siz­diginiń 30 jyldyǵy­na oraı ashylǵan saıabaq­ta da boldy. Ondaǵy kórnekti oryn – Eńbek erleri alleıa­sy. Munda ol ákimdik­tiń ókil­derimen, kásip­kerlermen jáne Qarasý aýyldyq okrý­gi­niń belsendilerimen áńgimelesti.

О́z kezeginde aýdandyq máslıhattyń hatshysy Serik Qajıev pen onyń saılaý organy boıynsha áripte­si aýdandyq aýrý­hananyń bas dárigeri Vladımır Golý­bev Qarasý aýylynyń áleýmet­tik-ekono­mıka­lyq damý jos­parlarymen bólisti.