Keńeste Memleket basshysynyń kásipkerlik qyzmetti «taza paraqtan bastap» retteýdi engizý, sondaı-aq memlekettik baqylaý jáne qadaǵalaý júıesin avtomattandyrý jónindegi tapsyrmalaryn oryndaý barysy talqylandy.
Máselen, búgingi tańda birinshi kezeń aıasynda qyzmettiń 17 salasynda retteýshi aktilerdi taldaý aıaqtaldy. Endi bızneske qoıylatyn negizsiz talaptardy joıý úshin memlekettik organdar zańǵa táýeldi (2022 jyldyń sońyna deıin) jáne zańnamalyq (2023 jyldyń naýryzyna deıin) aktilerge ózgerister engizetin bolady.
Odan bólek, bekitilgen jospar-kesteni iske asyrýdyń ekinshi kezeńi aıasynda bıylǵy jeltoqsanǵa deıin kásipkerlik qyzmettiń taǵy 11 salasynda retteýshi aktilerge taldaý júrgiziledi.
Keńes qorytyndysy boıynsha Erulan Jamaýbaev táýekel dárejesin baǵalaý krıterıılerin jáne salalyq táýekelder matrısasyn qalyptastyrýdy qosa alǵanda, barlyq jumystardy belgilengen merzimde aıaqtaýdy tapsyrdy.
