Sadyr Japarov bıyl AО́SShK forýmy aıasyndaǵy yntymaqtastyqqa 30 jyl tolǵanyn eske saldy.
«30 jyl ishinde AО́SShK túrli órkenıetter men óńirlerdi qamtıtyn kópjaqty forým retindegi tujyrymdamadan Azııa aımaǵynda qaýipsizdik salasyndaǵy dıalog pen yntymaqtastyq úshin tıimdi platforma qurýǵa deıin dáıekti joldan ótti», dedi ol.
Japarov Qyrǵyzstan Qazaqstannyń AО́SShK-ge tóraǵalyq etý mıssııasyn jalǵastyrý týraly sheshimin tolyq qoldaıtynyn, bul onyń qyzmetiniń tıimdiligin arttyrýǵa baǵyttalǵan josparlardy iske asyrýǵa múmkindik beretinin atap ótti.
Qyrǵyzstan prezıdentiniń aıtýynsha, Bishkek órkenıetaralyq dıalogqa jáne Azııa óńiri elderi arasyndaǵy ózara túsinistikti nyǵaıtýǵa yqpal etetin yntymaqtastyqty keńeıtý ıdeıasyn quptaıdy.
«Búgingi tańda bizdiń format keńistiginde jańa gıbrıdti nysandarda kórinetin dástúrli syn-qaterler áli de saqtalýda. Máselen, koronavırýstyq pandemııanyń áserinen áli tolyq qalpyna kele almaǵan álemdik ekonomıka qazir halyqaralyq shıelenisterge baılanysty jańa kúızelisterge ushyraýda. О́kinishke qaraı, bedeldi óńirlik uıymdar Azııadaǵy turaqtylyqqa tikeleı áser etetin qaqtyǵystardyń aldyn alý úshin qolda bar múmkindikter men tetikterdi iske asyrý jolynda jetkiliksiz jumys atqaryp júr», dedi Japarov.
Qyrǵyz kóshbasshysynyń aıtýynsha, jahandyq álemdegi qaýipsizdik máseleleri óńir elderi arasynda ekijaqty jáne kópjaqty deńgeıde senimdi yntymaqtastyqty qurýǵa jáne tereńdetýge shaqyrady.
«Terrorızm men ekstremızmge qarsy kúres úshin ǵana emes, esirtki men qarý aınalymy, adam saýdasy, qylmystyq kiristerdi jylystatý jáne kıberkeńistikte zańsyz qyzmetpen aınalysatyn transulttyq uıymdasqan qylmysqa qarsy halyqaralyq kúsh-jigerdi jandandyrýǵa shaqyramyz. Qazirgi ýaqytta Qyrǵyzstan ShYU aıasynda Bishkekte halyqaralyq uıymdasqan qylmysqa qarsy is-qımyl ortalyǵyn qurý máselesin pysyqtap jatyr», dedi ol.
