Áýezov aýdanynyń turǵyndarymen kezdesý barysynda qala ákiminen iri mýzykalyq sharalardy ótkizý jaıy suraldy. Qala turǵyndarynyń aıtýynsha, Dımash Qudaıbergenniń sońǵy konserti qalaǵa kóptegen týrısterdi tartty. Turǵyndar qalada Imanbektiń konsertin jáne basqa da aýqymdy mýzykalyq sharalardy ótkizýge bolatynyn atap ótti.
«Máslıhat qoldaǵan Almatyny damytý baǵdarlamasynda aýqymdy josparlarymyz bar. Jyl saıyn adamdardy tartý úshin kem degende 30 turaqty is-shara ótkizýdi josparlap otyrmyz, ol másele qazir pysyqtalýda. Mádenıet jáne sport mınıstrligimen birlesip, «Azııa daýysy» jáne basqa da tarıhı qalyptasqan mýzykalyq festıvaldar men is-sharalardy jańǵyrtý josparymyzda bar», dedi Erbolat Dosaev.
Ákimniń aıtýynsha, Dımash Qudaıbergenniń Ortalyq stadıondaǵy konserti sońǵy 25 jylda alǵash ret uıymdastyrylyp, qala bıligi úshin tájirıbe boldy. Endi olar Medeýge taý mýzykasy festıvalin qaıtarmaqshy.
