«Men búkil óńirlik ýnıversıtetterdi aralap júrmin. Almatyda, Taraz jáne basqa qalalarda ornalasqan óńirlik ýnıversıtetter men bilim ınstıtýttaryn da aralap shyqtym. Jaǵdaılary óte nashar. Ony moıyndaý kerek. Sondyqtan bul mehanızm aýysýy qajet. Bıyldan bastap biz óńirlik ýnıversıtetterge jaǵdaı jasaımyz. Al Nazarbaev ýnıversıtetine bizdiń jyl saıyn berip jatqan bıýdjetimiz osy jyldan bastap qysqartylady. Nege deseńiz, Nazarbaev ýnıversıtetiniń ózderine tıesili Qory bar. Sondyqtan úlken ýnıversıtetter óz-ózin qarjylandyrý prınsıpine kóshýi kerek», dedi mınıstr.
Onyń aıtýynsha, tek qana memleketke aýyz ashyp otyrmaý kerek. Osylaısha, jaýapty mınıstrlik barlyq kúshin óńirlik ýnıversıtetterge jumsaýǵa nıetti.
«Qostanaı, Qyzylorda, О́skemen, Qaraǵandy, Pavlodar jáne batys pen shyǵysta myqty ýnıversıtetterimiz bar. Biraq olardyń damýyna keıingi 10 jylda jetkilikti aqsha bólinbegen. Olardy qaýsap qalǵan deýge de bolady. Laboratorııa, ınfraqurylym, oqý korpýstary men jataqhana máseleleri kóp. Sondyqtan bizdiń baǵyt-baǵdarymyz ortalyq ýnıversıtetterden óńirlik ýnıversıtetterge aýady. Sondaı úlken betburys bastalady», dep qosty Saıasat Nurbek.
Vıdeo-materıal «Habar 24» ıýtýb arnasynan alyndy
