«Qonaqjaı Qazaqstan jerine qosh keldińizder. Eń aldymen, Qazaqstannyń TMD-ǵa tóraǵalyǵy aıasyndaǵy bastamalaryn qoldap, osy kúnderi Astanada ótip jatqan halyqaralyq is-sharalarǵa belsendi qatysqandaryńyz úshin shyn júrekten alǵys aıtamyn. Búgin Keńes múshesi retinde Túrikmenstan prezıdenti, qurmetti Serdar Gýrbangýlyuly Berdimuhamedov otyrysqa alǵash ret qatysyp otyr. Osy jerdegi áriptesterdiń jáne ózimniń atymnan Sizge qosh keldińiz deı otyryp, jaýapty memlekettik qyzmetińizge tabys tileımin. Táýelsiz Memleketter Dostastyǵyna qatysýshy memleketter basshylary keńesiniń kezekti otyrysyn ashyq dep jarııalaımyn», dedi Memleket basshysy.
Sondaı-aq Prezıdent búgingi jıynda qaralatyn máselelerdi atady.
«Gýmanıtarlyq seriktestikke, qaýipsizdikke jáne yntymaqtastyǵymyzdyń basqa da aspektilerine qatysty mańyzdy máseleler Memleketter basshylary keńesiniń qaraýyna usynylyp otyr», dedi ol.
