Qaıyrgeldına Saıagúl Aıdarqyzy 1973 jyly 9 tamyzda dúnıege kelgen.
E. A. Bóketov atyndaǵy Qaraǵandy memlekettik ýnıversıtetin «Bıologııa» fakýlteti, adam anatomııasy jáne fızıologııasy kafedrasy boıynsha bitirgen; Qaraǵandy Zań Akademııasynda «Quqyqtaný» fakýlteti, azamattyq quqyq kafedrasyn oqyǵan; Máskeý qalasyndaǵy Halyqaralyq qalpyna keltirý medısınasy ýnıversıtetinde qalpyna keltirý emi jáne medısınalyq ońaltý mamandyǵy boıynsha dáris alǵan; «Astana» medısına ýnıversıtetinde Densaýlyq saqtaý salasyndaǵy menedjment jáne marketıng mamandyǵyn támámdaǵan.
PhD doktor, QR UǴA professory ǵylymı dárejesi bar. «Bolashaq» Prezıdenttik baǵdarlamasynyń túlegi.
Eńbek jolyn 1990 jyly №3 Kıev orta mektebiniń tárbıeshisi bolyp bastaǵan.
Ár jyldary JOO-da oqytýshy, Qazaqstan Respýblıkasy Prezıdenti Is Basqarmasynyń Medısınalyq ortalyǵynyń «Zamanaýı medısınalyq tehnologııalardy engizý ortalyǵy» RMK ınnovasııalyq jáne bilim berý qyzmeti basqarmasynyń halyqaralyq medısınalyq yntymaqtastyq bóliminiń meńgerýshisi, bas sarapshysy, bas menedjeri qyzmetterin atqardy.
Sońǵy jyldary Qazaqstan Respýblıkasy Prezıdenti Is Basqarmasy Medısınalyq ortalyǵynyń sanatorııler ókildiginiń basshysy laýazymynda boldy, keıin Qazaqstan Respýblıkasy Densaýlyq saqtaý mınıstrliginiń «Qaraǵandy medısına ýnıversıteti» KEAQ kýrortologııa ortalyǵynyń basshysy bolyp jumys istedi.
Qazaqstan Respýblıkasynyń Densaýlyq saqtaý mınıstrliginiń shtattan tys bas kýrortology.
Ǵylymı basylymdardaǵy 51 maqalanyń, joǵary oqý oryndarynyń stýdentterine arnalǵan 1 oqýlyqtyń, 2 ǵylymı zertteýdiń, 3 avtorlyq patenttiń, Qazaqstan kýrorttaryna arnalǵan 1 monografııanyń avtory.
