Demonstranttar jalaqy men áleýmettik tólemderdi kóterý, elektr qýaty baǵasyn turaqtandyrý, ústeme paıdaǵa salyq salý, ekologııalyq jobalarǵa ınvestısııa quıý syndy birqatar máseleni kóterdi. Budan bólek, narazy jurt eldegi energetıkalyq daǵdarysqa qatysty shaǵymdaryn aıtyp, úkimetti shara qabyldaýǵa shaqyrdy.
«Biz fransýzdardy kedeılikten qutqarý úshin osyndamyz. Makron bizdiń eldi joıýǵa tyrysýda. Ol barlyq qoǵamdyq ıgilikterdi qurdymǵa jiberýde. Qarasha aıynan bastap barlyq janarmaı, benzın men dızel otynynyń baǵasy úsh eýrodan asatynyn bilip otyrmyz, sondyqtan qazirden áreket etý kerek. Áıtpese bıyl qysta isherge as tappaı qalarmyz», dedi sherýge qatysqan «Sary jıletter» qozǵalysynyń múshesi.
Alǵashynda beıbit ótken sherý arandatýshylar saldarynan qaqtyǵys alańyna aınalǵan. Sol sebepti polısııa kózden jas aǵyzatyn gaz qoldanýǵa májbúr bolǵan.
