Ortalyq saılaý komıssııasynyń tóraǵasy Nurlan Ábdirov Qazaqstan Respýblıkasy Prezıdentiniń kezekten tys saılaýyn baıqaý jónindegi EQYU/DIAQB Mıssııasynyń Basshysy Ýrshýla Gasekpen kezdesip, atalǵan uıymnyń kezekten tys saılaýdy baqylaý úshin 30 uzaq merzimdi jáne 300 qysqa merzimdi baıqaýshylardan turatyn delegasııany jiberý týraly sheshim qabyldaǵany úshin alǵysyn bildirdi.
N.Ábdirov mıssııa múshelerin saılaý naýqanynyń negizgi kezeńderiniń erekshelikterimen jáne uzaqtyǵymen, prezıdenttikke kandıdattardy usyný qorytyndylarmen tanystyrdy, sondaı-aq qazirgi ýaqytta prezıdenttikke kandıdattardy tirkeý kezeńi aıaqtalyp jatqanyn atap ótti. Ol saılaý úderisine qatysýshylardy oqytý jáne múgedektigi bar azamattardyń saılaý quqyǵyn qamtamasyz etý máselesine dástúrli túrde kóp kóńil bólinetinin aıtty. Saıası partııalar, jastar, BAQ jáne ÚEU ókilderi úshin semınarlar ótkizilip jatqanyn jetkizdi. Sonymen qatar jastardyń nazaryn saılaý úderisiniń ózekti máselelerine aýdarý, olardyń saılaý belsendiligi men quqyqtyq mádenıetin arttyrý maqsatynda Ortalyq saılaý komıssııasy janynan «Jas saılaýshylar klýby» qurylǵanyn atap ótti. Sarapshy keńestiń quramy jańartylyp, onyń maqsaty saılaý júıesin damytý jóninde usynystar ázirleý bolyp tabylatynyn jetkizdi.
Kezdesý barysynda Nurlan Ábdirov Mıssııa múshelerin Ortalyq saılaý komıssııasynyń otyrystary men oqytý is-sharalaryna qatysýǵa shaqyrdy, sondaı-aq Mıssııa ókilderiniń Ortalyq saılaý komıssııasynyń múshelerimen jáne apparatymen Mıssııany qyzyqtyratyn kez kelgen máseleler boıynsha kezdesýlerin ótkizýge daıyn ekenin bildirdi.
Kezdesý aıasynda EQYU/DIAQB Mıssııasynyń músheleri Ortalyq saılaý komıssııasynyń múshelerine óz suraqtaryn qoıdy.
«Ortalyq saılaý komıssııasy saılaý naýqanyn zańnamaǵa sáıkes qatań júrgizýdi qamtamasyz etedi jáne adal jáne ádil básekelestik úshin barlyq jaǵdaı jasaıdy. Biz Bıýromen, onyń ishinde saılaý naýqandary arasyndaǵy tyǵyz yntymaqtastyq pen syndarly dıalogti jalǵastyrýǵa úlken mán beremiz», dep N.Ábdirov.
