«Jetisý ólkesiniń aýyl sharýashylyǵyndaǵy áleýeti óte zor. Tabıǵaty – jaıly, jeri – qunarly. Munda jer de, sý da jetedi. Tek ony tıimdi paıdalaný kerek», dedi Q.Toqaev.
Sondaı-aq Prezıdent tapsyrmasy boıynsha Úkimet bıyl 5 mıllıon gektarǵa jýyq bos jatqan jerdi memleket menshigine qaıtardy.
«Biz osylaı aýyldardyń mańyndaǵy jer tapshylyǵy máselesin sheshemiz. Qaıtarylǵan jer jergilikti sharýalardyń arasynda ádil bólinip, berilýge tıis. Bul ádiletti qoǵam qurý jolyndaǵy mańyzdy qadam bolady. Búginde Jetisý oblysy boıynsha 100 myń gektardan astam ıgerilmeı jatqan jer anyqtaldy. Sonyń jartysy memleket menshigine qaıtaryldy. Jer – halyqtyń baılyǵy. Ol barlyq azamattyń ıgiligine jaraýy kerek. Ákimder bul máseleni qatań baqylaýda ustaýy qajet», dedi Memleket basshysy.
