«Qazir kógildir otyn oblys turǵyndarynyń 10 paıyzyna ǵana qoljetimdi. «Almaty – Taldyqorǵan» magıstraldi gaz qubyry salynyp, oblys ortalyǵyna gaz tolyq berildi. 2025 jylǵa qaraı Kerbulaq aýdanynan Taldyqorǵan qalasynyń mańyna deıin barlyq eldi mekendi gazben tolyq qamtamasyz etýdi tapsyramyn», dedi Q.Toqaev.
Prezıdent sonymen qatar, «Taldyqorǵan – Úsharal» baǵytynda gaz qubyryn tartý kerektigin aıtty.
«Bul 180 myń adam turatyn Aqsý, Sarqan, Alakól aýdandaryna gaz jetkizýge múmkindik beredi. Úkimetke osy jobany qarjylandyrýdy tapsyramyn», dedi Memleket basshysy.
Sondaı-aq Q.Toqaev jyl sońyna deıin, apatty jaǵdaıdaǵy kópirler men tas joldardyń qurylysyn aıaqtaýdy tapsyrdy.
«Jetisý aımaǵynyń tranzıttik áleýeti óte joǵary. О́ńirdiń bul áleýetin tolyq paıdalaný úshin kólik ınfraqurylymyn damytý kerek. Aldymen apatty jaǵdaıda turǵan 15 kópirdi jaqyn arada retke keltirý qajet.Joldardy kútip ustaý jáne jóndeý máselesi quzyrly memlekettik organdardyń aıryqsha baqylaýynda bolýǵa tıis. «Taldyqorǵan – Qalbataý – О́skemen» jáne «Úsharal – Dostyq» tas joldary salynyp jatyr. Osy jyldyń sońyna deıin joldyń asfaltty qabatyn salyp bitirý qajet. Quzyrly organdarǵa jumys barysyn qatań baqylaýǵa alyp, kelesi jyly tolyq paıdalanýǵa berýdi tapsyramyn», dedi Memleket basshysy.
