«Elimizde qabyldanyp jatqan bastamalarda Ulttyq quryltaı mańyzdy ról atqarýǵa tıis, ol ózin jalpyulttyq dıalogtyń ámbebap alańy retinde kórsetti. Bul ınstıtýttardyń qyzmeti bılik pen qoǵamnyń seriktestigi negizinde halqymyzdyń birligin nyǵaıtýǵa múmkindik beredi», dedi Prezıdent.
Bul rette Qasym-Jomart Toqaev árbir azamat óz sózderi men is-áreketteri úshin jaýapkershilik alýy kerek ekenin aıtty.
«Mundaı jaǵdaıda árbir azamat óz sózderi men is-áreketteri úshin jaýapkershilikti sezinýi kerek. Bul, eń aldymen, qoǵamdyq tulǵalarǵa, saıasatkerlerge, jýrnalısterge, blogerlerge qatysty. Abaısyz aıtylǵan sózder men asyǵys málimdemeler kútpegen saldarǵa ákelýi múmkin», dep qosty Qasym-Jomart Kemeluly.
