Úılerdiń qurylysy aıaqtalýǵa jaqyn. Árbir turǵyn úıdiń aýdany 100 sharshy metrdi quraıdy. Turǵyn úı qurylysyna 16 merdiger uıym tartylǵan.
«Ár úıge 10 sotyq jer bólingen. Jobada 4 qonaq bólme, jýynatyn bólme, sondaı-aq as úı qarastyrylǵan. Úı barlyq ınjenerlik ınfraqurylymmen jabdyqtalǵan. Ár baspananyń qýatty jeke qazandyǵy bar. Budan bólek ár úıde septık bar. Úılerge Wi-Fi da qosylady. Jabdyqtardyń ishinde gaz plıtasy men sý qubyry bolady», dedi Qostanaı oblysy ákimdiginiń qurylys, sáýlet jáne qala qurylysy basqarmasynyń basshysy Berik Tańjaryqov.
Turǵyndardyń demalýy úshin ashyq sport alańdary da qarastyrylǵan.
«Aýdanda fýtbol jáne voleıbol alańy, sondaı-aq balalarǵa arnalǵan 3 oıyn alańyn salý josparlanýda. Buryn aýdanda mundaı alańqaılar bolǵan joq. Olardyń qurylysyn demeýshiler qarjylandyryp jatyr», dedi Qostanaı oblysynyń ákimi Arhımed Muhambetov.
Qazir úıler qurylys qoqystarynan tazartylýda. Munymen qatar menshik quqyǵyna qujattardy rásimdeý jumystary júrgizilýde.
Al órtten zardap shekken otbasylar qonys toıyn asyǵa kútip júr.
