Otandyq telearnalardyń biri habarlaǵandaı, kósheler men qoǵamdyq oryndardaǵy tártipti baqylaý úshin 1 myń beınekamera ornatylady. Sybaılas jemqorlyqqa qarsy is-qımyl jónindegi komıssııanyń jáne qalanyń qoǵamdyq keńesiniń birlesken otyrysynda osy saladaǵy atqarylǵan jumystar zerdelendi.
Sybaılastyqqa tusaý salý úshin Shymkentte bilim berý mekemelerine jumysqa turý elektrondy baǵdarlama arqyly júrgizilýde. Munan bólek úı kezegine jazylý, baspanany jekeshendirý de avtomatty júıe arqyly atqarylady. Áleýmettik qorǵaý salasyndaǵy 33, jer qatynastaryndaǵy 15 qyzmet túri elektrondy formatqa kóshken.
«Medısına, bilim berý salasy, jer qatynastary, sonan soń áleýmettik máseleler, jergilikti bıýdjetten berilgen qarajattyń maqsatsyz paıdalanylýy, ol jerde de syıbaılastyqqa baılanysty jumystar bar», dedi Sybaılas jemqorlyqqa qarsy is-qımyl agenttigi Prevensııa qyzmetiniń basshysy Saıan Ahmetjanov.
