Memleket basshysy Ulttyq qordyń aktıvteri 100 mlrd dollarǵa deıin ulǵaıtylatynyn atap ótti.
«Qazaqstan halqyna tıesili barlyq nárse onyń múddelerine qyzmet etedi. Ol úshin biz qordy tıimdi basqarýdy qamtamasyz etemiz, onyń ınvestısııalyq tabysyn arttyramyz», dedi Qasym-Jomart Toqaev.
Prezıdenttiń aıtýynsha, elimizde óńdeý sektoryn nyǵaıtý, ınfraqurylymdy jańǵyrtý, energetıkalyq qýattardy arttyrý birinshi kezektegi mindet bolmaq.
«Biz agrarlyq salaǵa qýatty serpin beremiz, ónerkásiptiń bazalyq salalaryn kúsheıtemiz jáne joǵary qaıta bólý ónimderin shyǵaratyn jańa salalar quramyz. Biz teńgerimdi jáne ashyq salyq, bıýdjet, aqsha-nesıe jáne tarıftik saıasatty júrgizetin bolamyz. Inflıasııany tejeý úshin júıeli sharalar qabyldaýymyz kerek», dep atap ótti Memleket basshysy.
Qasym-Jomart Kemeluly atap ótkendeı, dál osyndaı ekonomıka halqymyzdyń ál-aýqatynyń turaqty ósýiniń negizi bolady.
Sondaı-aq Prezıdent 2025 jyldan bastap ınflıasııa deńgeıine baılanysty eń tómengi jalaqyny ulǵaıtý tetigi engiziletinin qosa aıtty.
«Shaǵyn jáne orta bızneste jumyspen qamtylǵandar sany 4,7 mln adamǵa jetedi», dedi Q. Toqaev.
