Kezdesý barysynda mınıstr Anastasııa Panınany Qazaqstandaǵy TikTok basshysy bolyp taǵaıyndalýymen quttyqtap, jyly lebizin bildirdi.
Qazirgi ýaqytta TikTok platformasynda qazaq tilindegi kontentke degen suranys kóbeıgenin atap ótý kerek. Kezdesý barysynda kompanııa ókili jelige qazaq tilin ornatý jaıy qarastyrylyp jatqanyn atap ótti. Sondaı-aq osy kúzde Qazaqstanda TikTok ofısin ashý josparlanyp otyrǵanyna toqtaldy.
Atalǵan basqosýda mınıstrlik basshylyǵy TikTok ókilderimen aqparat, jastar, otbasy jáne azamattyq qoǵamdy damytý boıynsha kreatıvti, zamanaýı ári sapaly jobalar daıyndaýǵa kelisti.
Sonymen qatar Darhan Qydyráli Anastasııa Panınaǵa baspasóz hatshylaryn oqytý, sıfrlyq saýattylyqty arttyrý, áleýmettik jelini tıimdi qoldaný turǵysynan ortaq trenıngter uıymdastyrý jumystaryna belsene aralasýdy usyndy.
Jıyn sońynda mınıstr TikTok ókilin jýyrda ótetin Ortalyq Azııa medıa forýmyna shaqyrdy.
