Aqtóbeniń osy aýdandarynyń turǵyndary ınfraqurylym joqtyǵy esebinen uzaq ýaqyt boıy qıyndyqtarǵa tap bolýda. Máselen, «Jańaqonys-4» turǵyn úı keshenderiniń turǵyndary 2018 jyldan bastap gazdyń berilýin kútip otyr. Jergilikti bılik bıyl qyrkúıek aıynyń sońyna deıin gaz tartýǵa ýáde bergen. Búginde gaz áli de paıdalanýǵa berilmegen. Odan bólek, turǵyndar joldyń nasharlyǵyna aryzdanýda. «Aýdan ákimdigi bizge joldardy toltyrý úshin qıyrshyq tas tıelgen 56 KamAZ bólýge ýáde bergen edi. Olardyń tek ekeýi ǵana keldi», deıdi «Jańaqonys-4» turǵyn úıdegi kezdesýge qatysýshylardyń biri.
Nurlan Áýesbaev «Batys-2» shaǵyn aýdanynda da jaǵdaıdyń máz emestigine kóz jetkizdi. Turǵyndarmen áńgimelesý barysynda ol óz baǵdarlamasynda qazaqstandyqtardyń ómir sapasynyń standartyn engizýdi kózdeıtinin atap ótti. Onda adamnyń durys tamaqtanýy, dári-dármek, kommýnaldyq qyzmetter sııaqty qajettilikter eskeriledi. Zertteý barysynda anyqtalǵan azamattardyń árbir jeke toby úshin negizgi kórsetkishterge qol jetkizý boıynsha arnaıy baǵdarlamalar ázirlenbek. Nurlan Áýesbaev óziniń saılaýaldy baǵdarlamasynda túrli deńgeıdegi áleýmettik qoldaýdyń jelisin qurýǵa nıetti ekenin aıtty.
