Jergilikti jańalyqtar portalynyń málimetinshe, polısııa qyzmetkeri júrgizýshi kýáligin alýǵa tájirıbelik jáne teorııalyq emtıhan tapsyrýǵa kómekteskeni úshin jábirlenýshilerden 441 myń teńge alǵan.
«Sot júrgizý kelisiminiń sharttaryna sáıkes, sondaı-aq jasalǵan qylmystyń sıpaty men qoǵamdyq qaýiptilik dárejesin eskere otyryp, M.-ny QK-niń 190-baby 3-bóligi, 2,4-tarmaqtarymen kináli dep tanyldy. Sondaı-aq Memlekettik qyzmette laýazymdardy atqarý quqyǵynan ómir boıyna aıyra otyryp, 4 410 000 teńge aıyppul salyndy. Úkim zańdy kúshine engen joq», dep habarlady Qostanaı aýdandyq soty.
Sottalýshy óz kinásin tolyq moıyndap, prokýrormen kinásin moıyndaý týraly prosessýaldyq kelisim jasasqan.
