Álıhan Smaıylovtyń aıtýynsha, tarıftik saıasatty reformalaý úshin tabıǵı monopolııalar salasyn retteýdiń jańa tujyrymdamasy –«ınvestısııalarǵa aıyrbastaý tarıfi» usynylady, ol boıynsha kelesi mindetterdi iske asyrý kózdelgen:
- elektrmen jabdyqtaý jelileriniń, sý qubyry jelileriniń jylý kommýnıkasııalarynyń tozý kórsetkishin kezeń-kezeńmen ortasha eseppen 15%- ǵa tómendetý;
- kásiporyndarda ınnovasııalyq sheshimderdi engizý jáne jabdyqtardy jańǵyrtý úshin pármendi yntalandyrýdy engizý;
- kross-sýbsıdııalaýdan kezeń-kezeńimen bas tartý;
- monopolısttiń ıeliginde tabystyń belgili bir úlesin saqtaý.
«Aldyn ala derekter boıynsha, jelilerdiń tozý deńgeıin 15% tómendetý kórsetkishine 2030 jylǵa deıin qol jetkizý josparlanýda. Tıisti esepteýler boıynsha joǵaryda atalǵan maqsatqa jetý úshin jylyna 400 mlrd teńge ınvestısııa tartý qajet bolady. Salalar boıynsha jelilerdiń ortasha tozý deńgeıi kelesideı: elektrmen jabdyqtaý: 65% - dan (2022 jyl) 50% - ǵa deıin (2030 jylǵa qaraı); jylýmen jabdyqtaý: 57% - dan (2022 jyl) 42% - ǵa deıin (2030 jylǵa qaraı); sýmen jabdyqtaý: 53% - dan (2022 jyl) 38% - ǵa deıin (2030 jylǵa qaraı); sý burý: 63% - dan (2022 jyl) 48% - ǵa deıin (2030 jylǵa qaraı); gazben jabdyqtaý: 35% - dan (2022 jyl) 19% - ǵa deıin (2030 jylǵa qaraı)», dep tolyqtyrdy Úkimet basshysy.
