«Qalamyz kúnnen kúnge ósip keledi: jańa turǵyn aýdandar, áleýmettik nysandar, kósheler men kópirler ashylyp jatyr. Sondyqtan kommýnaldyq qyzmetterge de júkteme artyp keledi. Elordanyń kúrt kontınentaldy klımatyna qaramastan, bizdiń kommýnaldyq kásiporyn qyzmetkerleri kúndiz de, túnde de, kez kelgen aýa-raıynda jumys isteıdi. Olardyń jaıly eńbegi úshin biz avtoparkti únemi jańartyp otyramyz, jalaqyny kóteremiz, syıaqylardy da engizdik. Máselen, sońǵy jyldary ǵana 300-den astam arnaıy tehnıka men jabdyq satyp alyndy», dep jazdy qala basshysy.
Sondaı-aq, ol qarasha aıynan bastap «Astana Tazalyq» jol jumysshylary men júrgizýshileriniń jalaqysy 20%-ǵa ósetinin atap ótti. Buryn jalaqy kólemi basqa sanattar úshin de kóterilgen.
«2023 jyly qalalyq kommýnaldyq qyzmet qyzmetkerleriniń jalaqysyn qosymsha kóteremiz. Qajet bolǵan jaǵdaıda avtoparkti jańartýdy jalǵastyramyz», dedi ákim.
Onyń aıtýynsha, qysqy kezeńde qalanyń kommýnaldyq qyzmetteri kóshelerdi, áleýmettik nysandarǵa kirme joldardy, jaıaý júrginshilerge arnalǵan trotýarlardy, aıaldamalardy tazalaýǵa erekshe nazar aýdarýy qajet.
