«Múlki tárkilenip, memlekettik laýazymdardy atqarý quqyǵynan ómir boıyna aıyra otyryp, 7 jylǵa bas bostandyǵynan aıyrý taǵaıyndalsyn. Merzimdi óteý ortasha qaýipsizdik mekemesinde anyqtalsyn. Sondaı-aq, Hamenova «Qurmet» ordeninen aıyrylsyn. Hamenovany qamaýda ustaý ýaqytyna qaraı jaza merzimi 1,5 kún úshin 1 kún esebinen qamaýda ustalsyn. Sottalýshynyń kámeletke tolmaǵan balalary bolýyna baılanysty jazany úsh jylǵa deıin keıinge qaldyrýdy suraımyn» dedi prokýror Laýra Asanova.
Sondaı-aq, prokýror oblystyq mádenıet basqarmasynyń burynǵy basshysy Aqylbek Rysqalıevke orta qaýipsizdik mekemesinde 7 jyl bas bostandyǵynan aıyrýdy surady. Al, para berdi dep kúdikke ilingen Adamovqa ortasha qaýipsizdik mekemesinde 4 jylǵa bas bostandyǵynan aıyrý jazasyn usyndy.
Eske salaıyq, 2021 jyldyń 10 jeltoqsanda Hamenovanyń sybaılas jemqorlyqqa qatysy bar degen kúdikpen ustalǵan edi. Oǵan Abaı eskertkishin ornatýǵa 145 mıllıon teńgege tenderden qaıtaryp alý retinde 4,5 mıllıon teńge kóleminde para aldy degen aıyp taǵyldy.
Al sol jyldyń 23 jeltoqsanynda sheneýnik úıqamaǵynan ýaqytsha ustaý ızolıatoryna aýystyryldy.
