Germanııa – Qazaqstannyń Eýropalyq odaqtaǵy mańyzdy saýda-ekonomıkalyq jáne ınvestısııalyq seriktesi. Osyǵan baılanysty Astana álemdik ekonomıkadaǵy jaǵymsyz faktorlarǵa qaramastan, Berlınmen ózara is-qımyldyń joǵary deńgeıin saqtap, ári qaraı nyǵaıtýǵa nıetti.
О́tken jyly Qazaqstan ekonomıkasyna tikeleı nemis ınvestısııalarynyń kólemi 25%-ǵa artyp, $320 mln-nan asty.
«Eki el arasyndaǵy taýar aınalymy da ótken jyly 6%-dan astamǵa ósip, $2,2 mlrd-ty qurady. Bıyl da bul kórsetkishter ósip keledi. «Investısııalyq yntymaqtastyqty arttyrý jáne ózara saýda kólemin ulǵaıtý boıynsha aıtarlyqtaı áleýetimiz bar», dedi Álıhan Smaıylov.
Eki el arasyndaǵy yntymaqtastyqtyń nátıjesi retinde jalpy qýaty 45 GVt jel jáne kún elektr stansııalary men «jasyl» sýtegi óndiretin energetıkalyq keshen salý boıynsha josparlanǵan jobalardy aıtýǵa bolady.
Sonymen qatar Premer-Mınıstr nemis tarapynyń Astanada Germanııa halyqaralyq yntymaqtastyq qoǵamynyń qamqorlyǵymen Sýtegi dıplomatııasy keńsesin ashý bastamasynyń mańyzyn atap ótti. О́z kezeginde Annalena Berbok Qazaqstannyń sońǵy jyldary ekonomıkalyq jáne qoǵamdyq-saıası salalardaǵy eleýli progresin atap ótti.
«Eki tarapqa da tıimdi bolýy úshin ekonomıkalyq qatynastardy teń dárejede damytý mańyzdy dep sanaımyz», dedi A.Berbok.
