Bıýlleten mátini bekitildi

Kún tártibindegi alǵashqy másele – árbir saılaý ýchaskesi bo­ıynsha tıisti ákim qol qoıǵan saılaýshylar tizimderin akt boıynsha saılaý komıssııalaryna berý. Bul týraly óńirlerdiń, respýb­lıkalyq mańyzy bar qalalardyń, astananyń jergilikti atqarýshy organdarynyń ókilderi baıandady. Olar árbir saılaý ýchaskesi boıynsha saılaýshylar tizimine ákim qol qoıǵanyn, onyń sheshimi boıynsha ýchaske qurylǵan jáne 30 qazanda akt boıynsha ýchaskelik saılaý komıssııalaryna qaǵaz túrinde, aýmaqtyq komıssııalarǵa elektrondy túrde usynylǵanyn habarlady. Birinshi máseleni qory­tyndylaı kele, Ortalyq saı­laý komıssııasynyń tóraǵasy Nur­lan Ábdirov 4 qarashadan bas­tap azamattarǵa tıisti saılaý ýchaskelerinde saılaýshylar tizi­minde ózderin tekserýge, sondaı-aq basqa saılaý ýchaskesinde da­ýys berý quqyǵyn beretin esep­ten shyǵarý kýáligin alýǵa múm­kindik beriletinin habarlady.

Ekinshi másele – daýys berýge arnalǵan bıýlleten máti­nin bekitý jáne olardyń daıyndalýyn qamtamasyz etý. Bul týraly Ortalyq saılaý komıssııasynyń hatshysy Muhtar Erman baıandama jasady. Ol barlyq tirkelgen kandıdattardyń memlekettik tildiń álipbı tártibimen tegi, aty, ákesiniń aty kórsetilgenin jáne «Bárine qarsymyn» degen jol engiziletinin habarlady. Saılaýshylardyń jalpy sany –  11 950 485 adamdy quraıdy. Dál osy kórsetkish saılaý komıssııa­laryna usynylǵan aktilerde kórsetilgen. Osylaısha, 2022 jylǵy 20 qarashaǵa taǵaıyn­dalǵan Qazaqstan Respýblıkasy Prezıdentiniń kezekten tys saılaýy boıynsha saılaý bıýl­letenderiniń sany, onyń ishinde saılaýshylar tizimine engizil­gen saılaýshylardyń jalpy sanynyń 1 paıyzyn qosqanda 12 069 990 danany quraıdy.

Úshinshi másele – kezekten tys prezıdent saılaýyna ha­lyqaralyq uıymdar men shet memleketterdiń baıqaýshylaryn akkredıtteý. Ortalyq saılaý komıssııasynyń hatshysy Muh­tar Ermannyń málimetinshe, Syrtqy ister mınıstrligine tórt halyqaralyq uıym men bes shet memleketten 63 baıqaýshy akredıtteýge usynylǵan. Onyń ishinde: 31 baıqaýshy TMD baıqaýshylar Mıssııasynyń quramynan, 10 baıqaýshy – TMD PAA-dan, 3 baıqaýshy – Islam yntymaqtastyǵy uıymynan, 10 baıqaýshy – UQShU Parlamenttik Assambleıasynan, 2 baıqaýshy – Armenııa, Majarstan, Moldova, Reseı Federasııasynan jáne 1 baıqaýshy – Shvesııadan. Akkre­dıtteýge usynystardyń kelip túsýine qaraı halyqaralyq baıqaýshylar jónindegi derekter jańartylmaq.

Ortalyq saılaý komıssııasy Halyqaralyq baıqaý ınstıtýtyn 2022 jyldyń 22 qyrkúıeginde ashty. Ol jumysyn 2022 jylǵy 14 qarashada saǵat 18:00-de aıaqtaıdy.

Múgedektigi bar adamdardyń saılaý quqyqtaryn qamtamasyz etý jónindegi jumys tobynyń otyrysynda 2022 jylǵy 20 qara­shada Qazaqstan Respýblı­kasy Prezıdentiniń kezekten tys saılaýynda múgedektigi bar adamdardyń daýys berýi úshin jaǵdaılardy qamtamasyz etý, «Qoljetimdi orta», «Interaktıvti qoljetimdilik kartasy» portalynda saılaý ýchaskeleri týraly málimetterdi ózektendirý, sondaı-aq múgedektigi bar saı­laý­shylardyń daýys berýi úshin jaǵdaılardy qam­tamasyz etý boıynsha qabyl­danyp jatqan qosymsha sharalar qaraldy.

2017 jyldan bastap Ortsaı­laýkom janynan múgedektigi bar adamdardyń  saılaý quqyqtaryn qamtamasyz etý jónindegi ju­mys toby tirkelgen. Bıyl múge­dektigi bar azamattardyń quqyq­taryn qorǵaý jónindegi bedel­di respýblıkalyq jáne óńir­lik birlestikter ókilderi esebi­nen jumys tobynyń quramy jańar­tyldy jáne jumys formaty jetil­dirildi. Jumys tobynyń 19 múshe­siniń 17-si 11 oblystyń, respýb­lıkalyq mańyzy bar qala­lar­dyń jáne astananyń múge­dek­tigi bar adamdardyń qoǵam­dyq birlestik ókilderi.

Múgedektigi bar adamdar­dyń saılaý quqyǵyn qamtama­syz etýdiń jańa qoldaý tásilderi – sýrdoaýdarma, arnaıy trafaretter, tegin ınvataksı, úıde daýys berý, pandýstar, taktıldi kórsetkishter jáne t.b. kiredi. 2021 jyldan bastap Ortsaılaýkom otyrystarynyń translıasııasy jáne aqparattyq beınematerıaldar sýrdoaýdarmamen qamtamasyz etiledi. Ortalyq saılaý komıssııasynyń saıtynda «Múgedektigi bar adamdardyń saılaý quqyqtary» bólimi júr­giziledi. Onda múmkindigi shek­teýli azamattarǵa arnalǵan aqpa­rat­­tyq materıaldar: Braıl shrıf­tiniń elementteri bar aýdıo, beınerolık, aqparattyq mate­rıal ornalastyrylady. Jumys tobynyń músheleri múge­dektigi bar adamdardyń saılaý qu­qyq­taryn qamtamasyz etý máse­le­leri boıynsha semınar ót­kizedi. Zaǵıp jáne nashar kóre­tin saılaýshylar úshin Braıl shrıf­tin paıdalanyp saılaý bıýlle­tenin toltyrý úshin trafaret da­ıyn­daý kózdelgen. Jumys toby­nyń músheleri múgedektigi bar adam­dardyń daýys berýi úshin bar­­lyq jaǵdaıdy qamtamasyz etý jó­nin­degi ýchaskelik saılaý ko­mıs­sııa­larynyń múshelerine ar­nal­ǵan Jadynama jobasyn daıyndady.

Otyrys barysynda Eńbek jáne halyqty áleýmettik qorǵaý vıse-mınıstri Erbol Ospanov «Qoljetimdi orta» «Interaktıvti qoljetimdilik kartasy» portalynda saılaý ýchaskeleri týraly málimetterdi ózektendirý bo­ıynsha Mınıstrliktiń júrgizip jatqan jumysy týraly baıandady.