Jańa depýtat saılanady

Ol 2022 jyldyń 12 qazanynda Ortsaılaýkom Qazaqstan Res­pýb­lıkasy Parlamenti Senatynyń depýtaty Aqylbek Qajyǵululy Kúrishbaevtyń ókilettigin toqta­týǵa ákep soqtyratyn negizdiń paı­da bolýy týraly qaýly qabyldaǵanyn aıtty. Parlament Se­natynyń 2022 jylǵy 13 qazan­daǵy qaýlysymen Senat depý­taty A.Q.Kúrishbaevtyń ókilet­tigi toqtatyldy. Sondaı-aq ol Qa­zaq­stan Respýblıkasyndaǵy saı­laý týraly Konstıtýsııalyq Zań­nyń 69 jáne 83-baptaryna sáıkes, Ortalyq saılaý ko­mıs­sııa­sy Parlament Senaty­nyń depýtatynan shyǵyp qal­ǵan­dardyń ornyna olardyń mer­ziminen buryn toqtatylǵan sáti­nen bastap eki aıdan keshiktirmeı saı­laýdy ta­ǵa­ıyndaýǵa tıis eke­nin atap ótti.

Bul rette, Ortsaılaýkomnyń sheshimimen shyǵyp qalǵan depý­tattyń ornyna Astana qalasynan Qazaqstan Respýblıkasy Par­la­menti Senatynyń depýtatyn saılaý 2022 jylǵy 22 jeltoqsanǵa bekitildi.

Ortsaılaýkom tóraǵasynyń orynbasary Konstantın Petrov Konstıtýsııaǵa sáıkes, otyz jas­qa tolǵan, sońǵy on jylda el aýma­ǵynda jáne tıisti oblystyń, res­pýblıkalyq mańy­zy bar qalanyń ne astananyń aýma­ǵynda keminde úsh jyl turaq­ty turyp jatqan Qazaqstan Respýb­lı­kasynyń azamaty Parlament Senatynyń depýtaty bola alatynyn atap ótti. Sonymen qatar, kandıdattyń jo­ǵary bilimi jáne keminde bes jyl jumys ótili bolýy kerek. Bel­sendi saılaý quqyǵyna ıe bolýy qajet.