Úkimet otyrysynan keıin tilshiler Ulttyq ekonomıka mınıstrinen memlekettik qyzmetshiler mundaı somany qaıdan alǵanyn surady.
«Olar ózderiniń jeke jınaqtaryn jumsaǵan. Eger adam qumar oıynǵa jaqyn bolsa, onda ol óziniń tabysy men qolda bar qarajatynan basqa da tabystarǵa ıe bola alady, izdeı alady, qaryz ala alady. Bul tek memlekettik qyzmetshilerge ǵana qatysty emes. Bul qumar oıyndarǵa qyzyǵatyn kez kelgen azamatqa qatysty», dep jaýap berdi Álibek Qýantyrov.
19 qazanda memlekettik qyzmetshiler Almaty oblysynyń kazınosynda 507 mln teńge jumsaǵany belgili boldy. Almaty oblysy prokýratýrasynyń málimetinshe, túrli óńirlerden 305 sheneýnik memlekettik qyzmet atqarý kezeńinde oıyn mekemelerine barǵan.
