Qazaqtan shyqqan tuńǵysh keńestik dıplomat Názir Tórequlov babamyz haqynda men atam Ybyraı qajydan kóp estip óstim. Sol kúnder qazir saǵynyshqa aınalǵandaı. Olaı deıtinim atamnyń qaıtys bolǵanyna da bes jyldyń júzi aýypty.
Názirtanýdyń anyq ǵylymı jolyn qalaýǵa bul kisiniń táýekelge barǵan bul kisiniń sońǵy on jyly qyzyq ári qıynshylyqpen órilip jatty. Qyzyǵy basym dep aıtýymyzǵa ábden bolar. О́ıtkeni jumysy nátıjeli boldy. Tóńiregine ǵalymdardy, aqyn-jazýshylardy kóp toptastyrdy. Qoqan, Tashkent, Máskeý, Shymkent, Almaty, Astana, tipti Saýd Arabııasynyń bas qalasy Er-Rııadqa deıin baılanys jasady jaryqtyq.
Osylaısha názirtanýda táýir jol qalyptasty. Allaǵa shúkir, bul baǵytta qazir qatary qalyń, júregi jalyn zertteýshiler eńbek etýde. Saýd Arabııasyndaǵy elshilikte jumys istep jatqanyma úsh jyldyń tóńiregi boldy. Názir babam men Ybyraı atamdy bir sátke jadymnan shyǵarmadym. Kóp oılandym. Zertteý jumysyn jalǵastyrýdy paryz sanadym. Sóıtip aınalama birtindep suraý sala bastadym. Alǵashqy úlken oljam – “Egemen Qazaqstan” gazetine jiberip otyrǵan tómendegi jádigerler. Bul Korol Feısal atyndaǵy zertteýler men ıslam oqýlary ortalyǵyndaǵy Joǵary mártebeliniń jeke fotoarhıvinde saqtalǵan 9 myńnan astam sýretterdiń ishinen tabyldy.
Bes foto! Iá, Názir Tórequlov beınelengen bes rásim. Osy oljany kórgende qýanyshtan kóz jasymdy áreń iriktim.
El atynan sóılegen eren babam! Erligińe nege tánti bolmasqa?! Otyzynda orda buzyp, qyrqynda qamal alǵan Túrkistan qaıratkeri... Osy fotoderekterdi jáne de Názir Tórequlovqa qatysty kóptegen qujattardy ústimizdegi jyldyń 1-5 maýsym aralyǵynda Astana men Almaty qalalarynda ótetin Saýd Arabııasynyń Qazaqstandaǵy mádenı kúnderi aıasyndaǵy kórmeden tamashalap kórip,
jaqyn tanysýǵa bolady.
Madııar ISMAIL, Qazaqstan Respýblıkasynyń Saýd Arabııasy Koroldigindegi
elshiliginiń ekinshi hatshysy.
