Jıgýlı Daırabaev kásiporynnyń zamanaýı tehnologııalardy belsendi qoldanatyndyǵyn erekshe atap ótti. Kandıdattyń aıtýynsha, sońǵy jyldary álemde sý resýrstarynyń ahýaly boıynsha alańdaýshylyq artyp keledi. Halyq sany ulǵaıyp, ónerkásip pen aýyl sharýashylyǵy qarqyndy damýda. Bul óz kezeginde sýdy paıdalanýdyń kólemin arttyryp otyr.
«Biz jańa tehnologııalar men sıfrlandyrý arqyly sýdy únemdeýge kóshýimiz kerek. Sý tapshylyǵyn joıýdyń basqa joly joq. Bul – asa mańyzdy mindet. Sý únemdeý tehnologııalaryn tolyq kólemde engizý sý shyǵynyn azaıtyp, ónimdilikti arttyra otyryp, sýarmaly jerlerdi utymdy paıdalanýǵa múmkindik beredi. Jańbyrlatyp sýarý ádisi shóldi jáne shóleıtti jerlerdi ıgilikke jaratyp, baý-baqsha egý, jylyjaılar salyp, ónim alýǵa jaqsy múmkindik beredi. Elimizde álemdik ozyq tájirıbelerdi aýyl sharýashylyǵyna engizý jumystary jalǵasyp jatyr. Bastysy biz bul baǵyttaǵy sharalardy toqtatpaýymyz kerek. Aýyl sharýashylyǵy salasyna baǵyttalǵan sýbsıdııa kólemin ulǵaıtý jáne lızıngtik kompanııalarǵa qoldaý kórsetýimiz qajet», dedi kandıdat.
