«Altynshy aı qatarynan ındeks teris aımaqta qalyp otyr. Qazan aıynda ekonomıkadaǵy iskerlik belsendilik qalpyna keldi. Jańa tapsyrystardyń ósýine jáne jekelegen sektorlardaǵy jumyspen qamtý deńgeıine baılanysty iskerlik belsendilik ındeksi qyrkúıektegi 48,2-den 49,1-ge deıin ósti», delingen Ulttyq banktiń resmı saıtynda jarııalanǵan habarlamada.
Aqparatqa sáıkes, taý-ken ónerkásibinde ındeks 50-ge, qurylys jáne qyzmet kórsetý salalarynda sáıkesinshe 47,5 jáne 49,2-ge deıin jaqsardy. О́ńdeý ónerkásibinde kórsetkish ózgerissiz qaldy – 48,5.
2022 jyldyń qazan aıynda bıznestiń aǵymdaǵy jaǵdaıyn baǵalaý sońǵy 5 aıda alǵash ret oń kórsetkishte bolǵan. Aldaǵy 6 aıǵa arnalǵan bolashaq bıznes jaǵdaılaryn baǵalaý da jaqsarǵan.
Nátıjesinde búgingi jáne keleshektegi bıznes-jaǵdaılardy ortasha baǵalaýdy bildiretin bıznes-ahýal ındeksi ulǵaıyp, bıznes-sıkl «saǵatynyń» ındıkatory kóterilý aımaǵynan ósý aımaǵyna ótken.
Sondaı-aq kásiporyndardyń baǵalaýy boıynsha, daıyn ónimge degen suranys jaqsarǵan.
