Qazirgi ýaqytta saýda-sattyq salasy elimizdegi jalpy ishki ónim qurylymynda (18,3%), jumyspen qamtylǵan adamdar (1,45 mıllıon) men bıznes sýbektileriniń sany (551 myń adam) jóninen birinshi orynda tur. Sonymen qatar sala bir sýbektige shaqqandaǵy paıda mólsheri jáne negizgi kapıtalǵa salynǵan ınvestısııalar deńgeıi boıynsha artta keledi.
Usynylǵan tásilder ishki naryqty qorǵaýǵa, óz óndirisimizdi qoldaýǵa jáne taýar ótkizetin jańa naryqtar ashýǵa baǵyttalǵan. Budan bólek, elektrondy kommersııany damytý, transshekaralyq jáne iri saýda-logıstıkalyq habtardy salý kózdelip otyr.
Kezdesý barysynda elimizdiń ıntegrasııalyq odaqtardaǵy qyzmeti men erkin saýda aımaqtaryn qurý máseleleri qarastyryldy. Serik Jumanǵarın Qazaqstan delegasııasynyń Iranǵa sapary kezinde qol jetkizilgen ýaǵdalastyqtar týraly esep berdi.
Memleket basshysy saýda-sattyqtyń jańa formattaryn engizý jumystaryn kúsheıtý jóninde tapsyrma berdi. Sondaı-aq halyqaralyq naryqtardaǵy ulttyq ekonomıkalyq múddeni belsendi túrde qorǵaý qajettigin atap ótti.
