Búgin fýtboldan Premer-lıga komandalary arasyndaǵy el birinshiliginiń 26-týryndaǵy bes oıynnyń qorytyndysy boıynsha «Astana» fýtbol klýby osy maýsymdaǵy eń úzdik komanda boldy.
El chempıony sońǵy týrda belgili boldy. Bul ataqtan «Astana» men «Aqtóbe» komandalary úmitker edi.
Atalǵan týrda syrt alańda Qaraǵandynyń «Shahter» komandasymen kezdesti. Tartysty oıynda «Astana» klýby 3:2 esebimen basym túsip, bıylǵy el chempıony ataǵyna ıe boldy.
Al, «Aqtóbe» óz alańynda Almatynyń «Qaırat» komandasyn qabyldady. Kezdesýde almatylyq Joao Paolo 33-mınýtta esep ashty. Odan keıin alań ıelerinen Álibek Qasym 38-mınýtta penaltıden múlt ketpese, Rojerıo dýs Santýs Alves 49, 51-mınýtta qos goldyń avtory atandy. Ekinshi kezeńde aqtóbelik komandadan Arman Keńesov 69-mınýtta kózdegen nysanadan múlt ketken joq. Kezdesýde «Aqtóbe» qarsylasyn 4:1 esebimen jeńip, kúmis júldege qol jetkizdi.
Aldaǵy ýaqytta «Aqsý» (Pavlodar oblysy) men «Atyraý», «Maqtaral» (Túrkistan oblysy) men «Ordabasy» (Shymkent) komandalary kezdesedi.
