«Úmitker saılaýaldy jumys saparymen el óńirlerin aralap júr. Búginge deıin saılaýshylarmen 20-dan astam kezdesý ótkizildi. Kezdesýler barysynda Qosshy, Qaraǵandy, Ekibastuz, Pavlodar, Semeı, Talǵar, Esik, Aqtóbe qalalary qamtyldy. Sondaı-aq aýyldar men aýdandar da nazardan tys qalmady. Kezdesýlerde kóbine áleýmettik máseleler boıynsha saýaldar kelip tústi. Budan bólek, Qaraqat Ábdenniń senimdi ókilderi men jergilikti shtab basshylary da úgit-nasıhat jumystaryn belsendi júrgizip jatyr. Jalpy, respýblıka boıynsha úmitkerdiń 20 saılaýaldy shtaby bar, 2 myńǵa jýyq erikti jumyldyryldy. Úlken aýdan ortalyqtarynda da shtabtar jumys júrgizýde», dedi respýblıkalyq shtab basshysy Arman Orazqulov.
Budan keıin Q.Ábden TMD-nyń baıqaýshylar mıssııasy shtabynyń basshysy Evgenıı Kozıak pen osy uıymnyń múshesi Alla Harchenkomen kezdesti. Kezdesý barysynda úmitker úgit-nasıhat naýqanynyń barysy men saılaýaldy shtabtarynyń jumysy týraly áńgimeledi. Budan bólek, óziniń saılaýaldy baǵdarlamasynyń negizgi tustaryna toqtaldy. Halyqaralyq baıqaýshylar úmitkerdiń ózi de, onyń saılaýaldy baǵdarlamasy da erekshe ekenin atap ótti. «Úmitker tarapynan aıtylǵan barlyq málimetti saralap, ózimizdiń qorytyndy qujattarymyzǵa engizemiz», dedi Evgenıı Kozıak.
