Oblys ákiminiń orynbasary Jasulan Bısembıevtiń málimetinshe, ár deńgeıdegi máslıhattarda áıelderdiń úlesi 27-30, memlekettik qyzmette – 80, kvazımemlekettik sektorda – 22, bilim berýde – 92, medısınada 60 paıyzdan astamdy qurap otyr. Ár býyndaǵy basshylyq laýazymdardyń shamamen 40 paıyzyn áıelder atqarady.
Elimizdiń energetıka salasynda túrli laýazymdy atqaryp otyrǵan áıelder qatary az emes. Máselen, názik jandardyń úlesi Atyraý munaı óńdeý zaýyty men NCOC kompanııasynda – 30, «Teńizshevroıl» JShS-da 35 paıyzǵa jetken.
– Qazaqstanda áıelder quqyǵyn qorǵaýda aıtarlyqtaı jetistik bar. Qazir áıelder ekonomıkanyń ár salasynda, onyń ishinde energetıka sektorynda da kóshbasshylyq pozısııaǵa ıe bolyp otyr. Túrli jobalardy júzege asyrýǵa áıelder neǵurlym kóbirek qatyssa, soǵurlym oń nátıje bolady. Kóptegen elde genderlik tepe-teńdik áıelder densaýlyǵy men quqyǵyn damytý baǵytyndaǵy taqyryp aıasynda talqylanyp keledi. Osy máselelerdi talqylaýdan keıin áıelderge óz isimen aınalysý úshin granttar men nesıeler bólindi. Álemniń kóptegen memleketinde áıelder eldiń damýyna belsendi qatysa bastady. Biz áıelderdiń energetıka sektoryndaǵy barlyq jobaǵa qatysýyna múmkindik berýimiz kerek, – deıdi Ndıleka Mandela.
Atyraý oblysy
