«Oblystyń kólik-logıstıkalyq jáne ınvestısııalyq áleýetin arttyrý kerek. Mańǵystaý – geografııalyq turǵydan utymdy jerde ornalasqan óńir. Biz bul ólkeni álemdik deńgeıdegi kólik-tranzıt torabyna aınaldyrýymyz kerek», dedi Prezıdent.
Qasym-Jomart Toqaevtyń aıtýynsha, búginde Kaspıı teńiziniń mańyzy arta tústi.
«Portty qala Aqtaý – Qazaqstannyń teńizge shyǵatyn qaqpasy. Jahandyq logıstıkalyq júıe qaıta qalyptasyp jatqan qazirgi kezde Kaspıı teńiziniń mańyzy kúrt arta tústi. Porttyń ınfraqurylymyn damytý úshin ınvestısııa tartýdy, konteınerlik jáne kólik-logıstıkalyq hab qurýdy kózdep otyrmyz. Biz úshin qazirgi álemdik naryqtaǵy ahýaldy eskerip, Transkaspıı baǵdaryn odan ári damytý óte mańyzdy. Osy másele boıynsha seriktes eldermen ózara túsinistik bar. Aqtaý jáne Quryq porttarynyń qýatyn arttyratyn boldyq. Bul olardyń ótkizý múmkindigin jetildirip, munaı tasymaldaý kólemin jylyna 20 mıllıonǵa deıin jetkizý úshin qajet», dep qosty Qazaqstan Prezıdenti.
