«О́kinishke qaraı, «ArselorMıttal Temirtaý» kásipornynda apattar jıilep, qaıtalana beretin jaǵdaıǵa jetti. Bul – bıyl adam ólimine alyp kelgen ekinshi qaıǵyly oqıǵa. 2006 jyldan beri metallýrgııa kombınatynda 20-dan astam apat bolyp, 100-den asa azamat qaza tapty. Memlekettik organdar tarapynan birneshe ret eskertý jasalǵanyna qaramastan, jaǵdaı jaqsarmaı otyr. Osyǵan oraı jedel túrde qatań sharalar qabyldaýǵa týra keledi. Men bul jóninde jýyrda Qaraǵandyda sóılegen sózimde eskerttim», dep atap ótti Qasym-Jomart Toqaev Mańǵystaý oblysyna jumys sapary barysynda.
Osy oraıda ol kásiporynǵa keshendi tekserý júrgizý keregin aıtty.
«Eńbek qaýipsizdigi men barlyq ekologııalyq norma talaptarynyń saqtalýyna mán berilýge tıis. Kombınattyń ıesi tehnıkalyq jaǵdaıdy jaqsartýǵa jáne jańǵyrtýǵa jetkilikti dárejede ınvestısııa quıǵanyn anyqtaý mańyzdy. Bálkim bul jumysqa zaýyttyń jaǵdaıyna shynaıy baǵa beretin halyqaralyq kompanııany tartý kerek shyǵar. Mundaı qaıǵyly jaǵdaı qaıtalanbaýy úshin barlyq qajet sharany qabyldaý kerek. Eń bastysy – azamattarymyzdyń densaýlyǵy men ómiri», dedi Memleket basshysy.
