Qyzyl kilemdegi belgili qonaqtar men jýrnalıster, jarqyn shoý-baǵdarlama men M.Tólebaevtyń kópshilik unatatyn «Birjan – Sara» operasy úsh aptalyq festıvaldi bastap beredi. Onda Italııa, Germanııa, Chehııa, Ýkraına, Armenııa, Reseı, Belarýs jáne basqa da elderden ártister jınalady.
Festıval Qazaqstan Respýblıkasy Mádenıet jáne sport mınıstrliginiń qoldaýymen 6 jeltoqsanǵa deıin sozylady, kórermenderdiń nazaryna búkil álemnen juldyzdardyń qatysýymen opera jáne balet spektaklderinen «mýzykalyq kerýen» usynylady.
– Opera jáne balettiń aýqymdy festıvali elimizdiń mádenı ómirindegi oqıǵa ǵana emes, sondaı-aq uly ónerdi baǵalaıtyn barsha jandar úshin naǵyz mereke bolmaq. Biz bul is-sharaǵa tyńǵylyqty daıyndaldyq, baǵdarlamany tolyq oılastyra kele, teatrdyń shynaıy rýhyn kórsetý úshin tanymal, jalyndaǵan mýzykamen qatar, ǵalamat týyndylardy da oryndaýdy jón kórdik. Sonymen qatar urpaqtar sabaqtastyǵyn da kórsetýge tyrystyq, sondyqtan spektaklderge sahna sheberleri de, jas solıster de jumyldyryldy, – dep atap ótti «Astana Opera» dırektory, Qazaqstannyń eńbek sińirgen qaıratkeri Ǵalym Ahmedıarov.
Festıvaldi ulttyq klassıka ıgiligi – M.Tólebaevtyń «Birjan – Sara» operasy ashady, Birjan partııasyn oryndaýǵa Marıın teatrynyń solısi, Reseıdiń eńbek sińirgen ártisi, Tatarstannyń Halyq artısi Ahmed Agadı shaqyryldy. «Astana Operanyń» dál osy operamen 2013 alǵashqy teatr maýsymyn ashqany atap óterlik jaıt. Shyndyǵynda 10 jyl buryn sahnada Qazaqstan Respýblıkasy Memlekettik syılyǵynyń laýreaty, Reseıdiń Halyq artısi Iýrıı Aleksandrovtyń qoıylymy bolǵan edi, alaıda ol kezde de basty partııada teńdessiz tenor, Birjan partııasyn úzdik oryndaýshy Ahmed Agadı jarqyraǵan bolatyn. Qazir ánshige bul beıneni operanyń jańa, atap aıtsaq, Qazaqstannyń eńbek sińirgen qaıratkeri Ashat Maemırov pen keńesshi rejısser – Tatarstan Respýblıkasy Memlekettik syılyǵynyń laýreaty Mıhaıl Pandjavıdzeniń redaksııasynda (2018 jyl) ashýǵa týra keledi, onda qoıýshylar operanyń jańa oqylýyn usyndy, bul qazaq klassıkasynyń ssenografııa men jekelegen keıipkerlerdiń minezderin qabyldaý taptaýrynyn buzady. Dırıjer tuǵyrynda – mýzykalyq redaksııa avtory, Qazaqstannyń eńbek sińirgen qaıratkeri Abzal Muhıtdın.
15-16 qarashada baǵdarlamany L.Mınkýstyń «Don Kıhot» baleti jalǵastyrady. О́ner kórsetýdiń ekinshi kúni Belarýs Úlken teatrynyń juldyzdary Dmıtrıı Ýksýsnıkov pen Lıýdmıla Hıtrova qazaqstandyq kórermenge óz ónerlerin tartý etedi. Dırıjer – Rýslan Baımýrzın.
19 qarashada Dj.Pýchchınıdiń «Týrandot» operasy oryndalady, dırıjer tuǵyrynda – álemge áıgili maestro Alan Bóribaev. Kalaf partııasynda sahnaǵa Ovannes Aıvazıan (Armenııa) shyǵady. О́ner kórsetýdiń ekinshi kúni – 20 qarashada Týrandotty Oksana Kramareva (Ýkraına-Germanııa) oryndaıdy, Lıý – Lıbýshe Santorısova (Chehııa).
23-24 qarashada kórermenderge álemniń tanymal baletteriniń biri – P.Chaıkovskııdiń «Aqqý kóli» usynylady. Birinshi kúni shaqyrylǵan juldyzdar – Anna Mýromseva (Ýkraına) men Vengrııa opera jáne balet teatrynyń etýali Gergo Armın Balashı óner kórsetedi. Dırıjer – Djýzeppe Akýavıva (Italııa).
29 qarashada eki bólimdi Balet keshi ótedi: Gala-balet pen V.A.Mosarttyń mýzykasyna I.Kılıannyń «Alty bı» biraktili baleti. Baǵdarlamaǵa solıster – Andreı Sorokın, Anastasııa Mılıachenko (Reseı), Darıa Sýzı men Haver Kacheıro Aleman (Germanııa) qatysady. Dırıjer – Arman Orazǵalıev.
2 jeltoqsanda opera óneriniń jaýhary – P.Chaıkovskııdiń «Evgenıı Onegıni» usynylady, dırıjer – Alan Bóribaev. Lenskııdiń partııasyn Aleksandr Mıhnıýk (Belarýs) oryndasa, Olganyń beınesin Darıa Gorojanko (Ýkraına) somdaıdy. 3 jeltoqsanda Evgenıı Onegın partııasynda – Konstantın Brjınskıı (Reseı), Gremındi Barseg Týmanıan (Armenııa) oryndaıdy.
6 jeltoqsanda «Jibek joly» festıvaliniń saltanatty jabylýy ótedi. Kópshilikke tańǵajaıyp Gala-konsert usynylady, dırıjer tuǵyrynda – Djýzeppe Akýavıva (Italııa).
Aıta keteıik, «Jibek joly» halyqaralyq festıvaliniń basty maqsaty - Qazaqstan men alys-jaqyn shet memleketter arasyndaǵy mádenı baılanysty nyǵaıtý.
