Atalǵan týyndy Jetisý oblysy ákimdiginiń qoldaýymen «Mazmundama» baspasynda jaryq kórdi.
Alǵashynda 500 danamen shyqqan eńbek oqyrmandardyń suranysyna ıe bolyp, 2000 tırajǵa jetken.
Bul rette Ǵalı Ormanovtyń aýdarma salasyna sińirgen eńbegi orasan zor ekenin atap ótý kerek. Ol qyrǵyzdyń «Manas» eposynyń birinshi kitabyn, Pýshkınniń «Qola shabandoz» týyndylaryn qazaq tiline tárjimalaǵan. Is-shara barysynda Ulttyq kitaphanada «Syrly sezim aqyny» atty Ǵalı Ormanovtyń shyǵarmashylyǵy men ómirine arnalǵan kitap kórmesi uıymdastyryldy.
Is-sharaǵa aqynyń qyzy Jamıǵa Ormanova, Ál-Farabı atyndaǵy Qazaq ulttyq ýnıversıtetiniń professory Káken Hamzın, «Jas Alash» gazetiniń bas redaktory Qaırat Mátirekov, «Qazaqstan» ulttyq telearnasynyń Almaty qalasyndaǵy fılıalynyń jetekshisi Sáýle Jırenshına, fılologııa ǵylymynyń professory Gúljahan Orda, Qazaqstan Jazýshylar kitaphana meńgerýshisi, «Qurmet» ordeniniń ıegeri Elena Aǵaısa, Astana qalasyndaǵy №88 mektep-gımnazııasynyń dırektory Janat Turysbekqyzy, Astana qalasyndaǵy Ǵalı Ormanov atyndaǵy №7 mektep-gımnazııa dırektorynyń orynbasary Qametova Aıgúl, belgili aqyn, Halyqaralyq «Alash» ádebı syılyǵynyń ıegeri, Qazaqstan Jazýshylar odaǵy basqarmasy tóraǵasynyń orynbasary Baqyt Bedelhan, kitaphana qyzmetkerleri, zııaly qaýym ókilderi, tarıhshylar men ǵalymdar jáne týǵan jeri Jetisý oblysynan kelgen arnaıy delegasııa qatysty.
