Qaraqat Ábdenniń bul usynysyn jıynǵa qatysqan saılaýshylar, psıholog mamandar men ıývenaldy polısııa organdarynyń ardagerleri, analar keńesi men ardagerler keńesiniń músheleri qoldady. Dóńgelek ústel barysynda atalǵan máselege qatysty statıstıkalyq málimetter keltirildi. 2018-2022 jyldar aralyǵynda 18 myńǵa jýyq adam ózine-ózi qol jumsasa, 21 myńnan astam qazaqstandyq ózine qol salýǵa áreket etken. Belgili bolǵandaı, Qazaqstan óz-ózine qol jumsaý boıynsha alǵashqy 20 eldiń qatarynda bolsa, balalar men jastar arasyndaǵy sýısıd boıynsha álemde alǵashqy úshtikke kiredi.
«Bul – naǵyz dabyl qaǵatyn másele. Mundaı qaıǵyly kórsetkishter bizden júıeli jumys júrgizýdi talap etedi. Sondyqtan búgingi jıynda sýısıdpen kúres jóninde ulttyq strategııalyq jospar ázirleýdi usyndym. Ol úshin arnaıy vedomstvoaralyq komıssııa qurylyp, zańnamalyq talaptarǵa sáıkes parlamenttik tyńdalymda atalǵan másele kún tártibine shyǵarylýǵa tıis», dedi Q.Ábden.
Úmitkerdiń aıtýynsha, balalar men jastardyń óz-ózine qol jumsaýyna áleýmettik máselelerdiń týyndaýy men ulttyq, otbasylyq qundylyqtardyń álsireýi sebep.
Eske salsaq, Q.Ábden osy ýaqytqa deıin el óńirlerin aralap, 11 qala men birneshe aýyldyq eldi mekende 20-dan astam kezdesý ótkizdi.
