Kandıdat 16 kúndik úgit-nasıhat jumystary kezeńinde 6 óńirde – Qaraǵandy, Aqmola, Túrkistan oblystarynda, Astana Shymkent jáne Almaty qalalarynda halyqtyń túrli toptarymen kezdesý ótkizdi. Kezdesý barysynda turǵyndar kóbine áleýmettik máselelerdi kóterip, ınfraqurylym, ulttyq qundylyq boıynsha usynys-tilekterin ortaǵa saldy. Kandıdat ár usynysty nazarǵa alatynyn jetkizdi.
«Biz osy ýaqytqa deıin saılaýaldy úgit-nasıhat jumystaryna kandıdattar arasynda eń az qarjy jumsaı otyryp, Ortalyq saılaý komıssııasynyń aqparatyna sáıkes eń nátıjeli jumys atqaryppyz. Bizdi qoldaǵan barlyq azamatqa alǵysym sheksiz. Dál osy qarqynmen ári qaraı jumysymyzdy jalǵastyra beremiz. Bizdi qoldap, daýys beretin saılaýshylardyń úmitin aqtaımyz dep senemin», dedi S.Tursynbekova.
Esterińizge salsaq, 21 qazanda kandıdattyń shtabynda uıymdastyrý komıtetiniń otyrysy ótti. Qatysýshylar daıyndyq jumystaryn jáne aldaǵy josparlardy talqylady. 22 qazanda respýblıkalyq shtabtyń resmı ashylýy ótti. 26 qazanda kandıdat saılaýaldy úgit-nasıhat jumystary aıasynda aımaqtardy aralaýdy bastady. Ol birinshi bolyp Qaraǵandy oblysyna bardy.
