Is-shara barysynda kandıdat qala aktıvimen kezdesip, óziniń saılaýaldy baǵdarlamasynyń negizgi qaýlylary jóninde baıandap berdi. Atap aıtqanda, memlekette saıası reformalardy júrgizý, Qazaqstan aldynda turǵan basty másele – parlamenttik-prezıdenttik respýblıka qurý qajettiligine toqtaldy.
Kandıdattyń pikirinshe, qoǵam bir adamnyń qolyna shoǵyrlanatyn prezıdenttik basqarý úlgisinen bas tartýy qajet. Úkimet adal, básekeles bıznestiń damýyna múmkindik bermeıtin olıgarhtardy emes, halyqtyń múddesin qorǵaýǵa tıis. Jemqorlyqpen kúresti kúsheıtý kerek, paraqorlarǵa qatysty maksımaldy jaza ornatyp, merziminen buryn bosatý quqyǵynan aıyrý qajet.
Ol basqa da kóptegen memleket sııaqty elimizde sybaılas jemqorlyqtyń aldyn alý jáne ony boldyrmaý maqsatynda qarqyndy jumys júrgizilip jatqanyna toqtaldy. Qazirgi ýaqytta, sybaılas jemqorlyqqa qarsy kúres jónindegi negizgi prınsıpter aıqyndalyp, sybaılas jemqorlyqqa qarsy kúres týraly zań kinálilerdi jaýapqa tartý arqyly azamattardyń quqyqtary men bostandyqtaryn qorǵaýǵa baǵyttalǵan.
Nurlan Áýesbaev jemqorlyqty jeńip, memlekettiń basqarý júıesin aýystyrý arqyly eldiń ekonomıkalyq gúldeýine qol jetkizýge bolatynyn aıtty.
