Elbasy «Kedeılikti joıýdyń jol kartasyn» ázirleýdi tapsyrdy

ASTANA. 28 mamyr. Azııa men Afrıkanyń eń kedeı elderinde adamzat kapıtalyn damytýdyń aýqymdy quraldaryn qarastyratyn «Kedeılikti joıýdyń jol kartasyn» ázirleý qajet. Bul týraly Prezıdent Nursultan Nazarbaev málimdedi. Bnews.kz tilshisiniń habarlaýynsha, Memleket basshysy muny Astana ekonomıkalyq forýmy aıasynda sóılegen sózinde aıtqan. «Azııa men Afrıkanyń eń kedeı elderinde adamzat kapıtalyn damytýdyń aýqymdy quraldaryn qarastyratyn «Kedeılikti joıýdyń jol kartasyn» ázirleý qajet. Ekonomıkalyq qarym-qatynastardy saıasattandyrýdan arylý kerek», - dedi osy oraıda N.Nazarbaev. «Men jańa ǵana Nobel syılyǵy laýreattarymen kezdestim. Muhammed Iýnýs myrza búgingi kúni bankterdiń baı elder úshin jumys isteıtini týraly aıtqan bolatyn. Sondyqtan, kedeılerge nazar aýdarý, shaǵyn nesıeler, olardyń ásirese áıelderge berilýi, jastardy jumyspen qamtý máseleleri bizdiń aldymyzda turǵan mańyzdy mindetterdiń biri», - dep túıindedi Prezıdent. Sáken Maılybaı. Derekkóz: Bnews.kz. Foto: Aqorda saıty.