«Sý súzetin eki jańa stansııany tezirek iske qosý kerek. «Astrahan – Mańǵystaý» sý qubyrynyń 80 paıyzy ábden tozǵan. Ony jańǵyrtý jumystaryn tezdetý qajet. Sonymen birge Úkimet Edilden jańa sý qubyryn tartý máselesi boıynsha banktermen, qarjy ınstıtýttarymen kelissózderdi jandandyrýǵa tıis», dedi Prezıdent.
Sondaı-aq ol aımaqtaǵy sýarý kanaldarynyń kópshiligi tozǵanyn atap ótti. Bıyl 3 kanaldy jóndeýge respýblıkalyq bıýdjetten qarjy bólingen. Taǵy 11 kanaldy qalpyna keltirý kerek. Osy rette Úkimetke aldaǵy eki jylda osy jobalarǵa qarjy bólý máselesin qarastyrý tapsyryldy.
«Halyqty aýyz sýmen qamtamasyz etý – memlekettiń mindeti. Sondyqtan bul máseleniń sheshimin sozbalańǵa salýǵa bolmaıdy», dedi Memleket basshysy.
